30.9.2010

Il-Ġurnal Uffiċjali tal-Unjoni Ewropea

CA 265/78

AVVIŻ TA' KOMPETIZZJONIJIET MIFTUĦA — COM/AD/15/10 U COM/AD/16/10

(2010/C 265 A/08)

Interessat f'karriera mal-Istituzzjonijiet Ewropej?

Il-profil tiegħek jissodisfa l-kriterji tagħna?

Għalfejn ma tapplikax?

Agħti lilek innifsek ċans li tirnexxi.

Il-Kummissjoni Ewropea qed torganizza kompetizzjonijiet miftuħa, abbażi ta' kwalifikazzjonijiet u eżamijiet sabiex toħloq listi ta' riżerva minn fejn tappunta Amministraturi tar-Riċerka fil-grad AD6 u fil-grad AD7 (1).

COM/AD/15/10 — AMMINISTRATURI TAR-RIĊERKA (AD6)

COM/AD/16/10 — AMMINISTRATURI TAR-RIĊERKA (AD7)

fid-dominju li ġej:

TEKNOLOĠIJA TAL-KOMUNIKAZZJONI/INFORMAZZJONI

Qabel tapplika, għandek taqra bir-reqqa l-istruzzjonijiet fil-gwida ppubblikata f'Il-Ġurnal Uffiċjali C 184 A tat-8 ta' Lulju 2010 u fuq il-websajt tal-EPSO http://europa.eu/epso/apply/index_mt.htm

Din il-gwida, li tagħmel parti integrali mill-avviż tal-kompetizzjoni, se tgħinek tifhem ir-regoli tal-proċedura u kif għandek tapplika.

WERREJ

I.	SFOND ĠENERALI

II.

DMIRIJIET

III.	ELIĠIBBILTÀ

IV.	AMMISSJONI FIL-KOMPETIZZJONIJIET U STEDINA FIĊ-ĊENTRU TAL-EVALWAZZJONI

V.	KOMPETIZZJONIJIET MIFTUĦA

VI.	LISTI TA' RIŻERVA

VII.	KIF TAPPLIKA

ANNESSI

I. SFOND ĠENERALI

Qed jiġu organizzati żewġ kompetizzjonijiet miftuħa, waħda fil-grad ta' AD6 u l-oħra fil-grad ta' AD7, fid-dominju tat-Teknoloġija tal-Komunikazzjoni/Informazzjoni sabiex jiġu appuntati rispettivament Amministraturi tar-Riċerka mal-Kummissjoni Ewropea, l-aktar fiċ-Ċentru Konġunt tar-Riċerka (JRC).

Il-JRC għandu l-missjoni li jipprovdi sostenn xjentifiku u tekniku, b'enfasi fuq il-konsumatur, għat-tnissil, l-iżvilupp, l-implimentazzjoni u l-monitoraġġ tal-politiki tal-UE. Bħala servizz tal-Kummissjoni Ewropea, il-JRC jiffunzjona bħala ċentru ta' referenza xjentifika u teknoloġika għall-Unjoni. F'livell qrib il-proċess tat-tfassil tal-politika, il-JRC jaqdi l-interess komuni tal-Istati Membri, filwaqt li huwa indipendenti minn interessi speċjali, kemm privati kif ukoll nazzjonali.

Dawn il-kompetizzjonijiet ser iservu biex jitħejjew listi ta' riżerva minn fejn jimtlew il-postijiet vakanti, l-aktar fl-Istituzzjonijiet differenti tal-JRC, u b'mod partikolari, fl-Istitut għall-Protezzjoni u s-Sigurtà taċ-Ċittadin (IPSC) f'Ispra, l-Italja.

L-għadd ta' kandidati li jgħaddu, skont il-kompetizzjoni u l-qasam kif ukoll indikazzjoni tal-post tax-xogħol huma elenkati hawn taħt:

Għadd ta' kandidati li jgħaddu skont il-kompetizzjoni

Dominju

Oqsma

AD6

AD7

Istituti/Lokalitajiet

Teknoloġija tal-Komunikazzjoni/Informazzjoni

Sigurtà tat-Teknoloġija tal-Informazzjoni u l-Komunikazzjoni

IPSC, Ispra (IT)

Estrazzjoni tal-Informazzjoni, Analiżi u Teknoloġiji tal-Internet

IPSC, Ispra (IT)

Teknoloġiji tal-Komunikazzjoni Bla Wajers

IPSC, Ispra (IT)

Sigurtà tan-Netwerks

IPSC, Ispra (IT)

Rimarki

Fl-istess waqt il-Kummissjoni qiegħda tippubblika l-kompetizzjonijiet li ġejjin:

—	COM/AD/01/10 — Amministraturi tar-Riċerka (AD6) fil-kimika, il-bijoloġija u x-xjenzi tas-saħħa

—	COM/AD/02/10 — Amministraturi tar-Riċerka (AD7) fil-kimika, il-bijoloġija u x-xjenzi tas-saħħa

—	COM/AD/03/10 — Amministraturi tar-Riċerka (AD6) fil-fiżika

—	COM/AD/04/10 — Amministraturi tar-Riċerka (AD7) fil-fiżika

—	COM/AD/05/10 — Amministraturi tar-Riċerka (AD6) fil-mekkanika strutturali

—	COM/AD/06/10 — Amministraturi tar-Riċerka (AD7) fil-mekkanika strutturali

—	COM/AD/07/10 — Amministraturi tar-Riċerka (AD6) fl-analiżi kwantitattiva tal-politika

—	COM/AD/08/10 — Amministraturi tar-Riċerka (AD7) fl-analiżi kwantitattiva tal-politika

—	COM/AD/09/10 — Amministraturi tar-Riċerka (AD6) fix-xjenzi spazjali

—	COM/AD/10/10 — Amministraturi tar-Riċerka (AD7) fix-xjenzi spazjali

—	COM/AD/11/10 — Amministraturi tar-Riċerka (AD6) fix-xjenzi ambjentali

—	COM/AD/12/10 — Amministraturi tar-Riċerka (AD7) fix-xjenzi ambjentali

—	COM/AD/13/10 — Amministraturi tar-Riċerka (AD6) fix-xjenzi tal-enerġija

—	COM/AD/14/10 — Amministraturi tar-Riċerka (AD7) fix-xjenzi tal-enerġija

Jekk tissodisfa l-kundizzjonijiet ġenerali u speċifiċi kollha (ara t-titlu III), tista' tapplika kemm għall-kompetizzjoni AD6 kif ukoll għall-kompetizzjoni AD7 f'dominji differenti, iżda tista' tapplika għal qasam wieħed biss fl-istess dominju, inkella tiġi skwalifikat. Trid tagħmel l-għażla tiegħek meta tapplika onlajn u ma tkunx tista' tibdilha wara li tkun ikkonfermajt u bgħatt il-formola tal-applikazzjoni tiegħek onlajn.

II. DMIRIJIET

Id-dmirijiet dettaljati għal kull qasam jinsabu fl-Annessi.

L-Amministraturi tar-Riċerka (AD6) ser iwettqu d-dmirijiet rilevanti bħala membri ta' tim tar-riċerka taħt is-superviżjoni ta' xjenzat superjuri.

L-Amministraturi tar-Riċerka (AD7) ser iwettqu d-dmirijiet rilevanti f'livell għoli, kemm individwalment kif ukoll bħala mexxejja ta' tim tar-riċerka.

III. ELIĠIBBILTÀ

, trid tkun tissodisfa l-kundizzjonijiet ġenerali u speċifiċi kollha li ġejjin:

1.	Kundizzjonijiet ġenerali

a)	Trid tkun ċittadin ta' wieħed mill-Istati Membri tal-Unjoni Ewropea.

b)	Għandek tkun tista' tgawdi mid-drittijiet sħaħ tiegħek bħala ċittadin.

c)	Trid tkun issodisfajt kwalunkwe obbligu rilevanti ta' servizz militari.

d)	Trid tkun tissodisfa r-rekwiżiti meħtieġa b'rabta mal-karattru tiegħek biex twettaq id-dmirijiet involuti.

2.	Kundizzjonijiet speċifiċi għall-kompetizzjonijiet

2.1

Kwalifiki akkademiċi:

Ara l-punt 2 tal-Annessi

2.2

Esperjenza professjonali:

Ara l-punt 3 tal-Annessi

2.3

Għarfien ta' lingwi:

Irid ikollok lingwa prinċipali (lingwa 1) u lingwa oħra (lingwa 2) kif speċifikat hawn isfel. Trid tindika l-lingwi li tagħżel fil-formola tar-reġistrazzjoni onlajn. Ma tkunx tista' tibdel l-għażliet tiegħek wara l-validazzjoni finali tal-applikazzjoni.

(a)

Lingwa 1

Lingwa prinċipali:

Għarfien profond ta' waħda mil-lingwi uffiċjali tal-Unjoni Ewropea

Il-lingwi uffiċjali tal-Unjoni Ewropea huma dawn:

BG (Bulgaru)

CS (Ċek)

DA (Daniż)

DE (Ġermaniż)

EL (Grieg)

EN (Ingliż)

ES (Spanjol)

ET (Estonjan)

FI (Finlandiż)

FR (Franċiż)

GA (Irlandiż)

HU (Ungeriż)

IT (Taljan)

LT (Litwan)

LV (Latvjan)

MT (Malti)

NL (Olandiż)

PL (Pollakk)

PT (Portugiż)

RO (Rumen)

SK (Slovakk)

SL (Sloven)

SV (Svediż)

(b)

Lingwa 2

It-tieni lingwa (trid tkun differenti mil-lingwa 1):

Għarfien sodisfaċenti tal-Ingliż, Franċiż jew Ġermaniż.

IV. AMMISSJONI FIL-KOMPETIZZJONIJIET U STEDINA FIĊ-ĊENTRU TAL-EVALWAZZJONI

1. Ammissjoni fil-kompetizzjonijiet

Se jiġu eżaminati l-kundizzjonijiet ġenerali u speċifiċi abbażi tal-informazzjoni pprovduta fl-applikazzjoni onlajn, sabiex jiġu identifikati l-kandidati li jissodisfaw il-kundizzjonijiet tal-ammissjoni fil-kompetizzjonijiet.

2. Stedina fiċ-ċentru tal-evalwazzjoni: Għażla abbażi tal-kwalifiki

Sabiex jintgħażlu l-kandidati li ser jiġu mistiedna fiċ-ċentru tal-evalwazzjoni, il-bord tal-għażla ser jagħżel skont il-kwalifiki, wara li jkun stabbilixxa l-kriterji li bihom ser jivvaluta l-kwalifiki. Din l-għażla ser issir abbażi tad-dikjarazzjonijet tal-kandidati li jkunu taw fl-applikazzjoni elettronika tagħhom. Il-bord tal-għażla ser jagħżel dawk il-kandidati li jissodisfaw il-kundizzjonijiet tal-eliġibbiltà u li għandhom il-kwalifiki (speċjalment diplomi, pubblikazzjonijiet f'ġurnali analizzati minn pari u esperjenza akkademika u/jew professjonali) li huma l-aktar rilevanti, f'termini ta' kwalità u livell, għat-tip ta' dmirijiet deskritti fl-avviż tal-kompetizzjoni (ara l-punt 4 tal-Annessi). Din l-għażla ser issir abbażi ta' skema ta' mmarkar stabbilita kif ġej:

a)	Kull kriterju tal-għażla jiġi ppiżat minn 1 sa 3, skont kemm il-kriterju jitqies importanti mill-bord tal-għażla;

b)	Il-bord tal-għażla jagħti marka minn 1 sa 4 lil kull kriterju, skont il-kwalifiki tal-kandidat.

Wara jistabbilixxi klassifika (2) tal-kandidati skont dawn il-marki.

L-għadd ta' kandidati mistiedna fiċ-ċentru tal-evalwazzjoni ma jistax ikun aktar mit-triplu (3) tal-għadd ta' kandidati li jikkwalifikaw kif indikat fit-taqsima I ta' dan l-avviż ta' kompetizzjoni u ser jiġi ppubblikat fil-websajt tal-EPSO (www.eu-careers.eu).

3. Verifika tad-dikjarazzjonijiet tal-kandidati

Wara s-sessjoni fiċ-ċentru tal-evalwazzjoni u fid-dawl tar-riżultati ta' din is-sessjoni, id-dikjarazzjonijiet li jkunu taw il-kandidati fl-applikazzjoni onlajn tal-kandidatura tagħhom se jiġu vverifikati mill-EPSO skont il-kundizzjonijiet ġenerali kif ukoll mill-bord tal-għażla skont il-kundizzjonijiet speċifiċi u l-kriterji tal-għażla. Jekk jirriżulta li d-dikjarazzjonijiet ma jkunux jaqblu mad-dokumenti ta' sostenn rilevanti, il-kandidati konċernati jiġu esklużi mill-kompetizzjoni.

Il-verifika ssir, f'ordni ta' mertu mill-għola wieħed sal-anqas wieħed, għall-kandidati li jkunu ġabu l-minimu meħtieġ u l-aħjar marki aggregati fl-eżamijiet d), e) u f) taċ-ċentru tal-evalwazzjoni għall-kompetizzjoni AD6 u d), e), f) u g) għall-kompetizzjoni AD7 (ara t-taqsima V). Il-kandidati jridu wkoll ikunu ġabu l-minimu meħtieġ fit-testijiet tal-aptitudni a), b) u c) (ara t-taqsima V). Din il-verifika tibqa' ssir sakemm jintlaħaq l-għadd massimu ta' kandidati li jistgħu jitniżżlu fil-lista ta' riżerva u li effettivament jissodisfaw il-kundizzjonijiet kollha tal-eliġibbiltà. Id-dokumenti ta' sostenn tal-kandidati li jikklassifikaw taħt dan il-limitu minimu mhux ser jiġu vverifikati.

V. KOMPETIZZJONIJIET MIFTUĦA

1.	Stedina fiċ-ċentru tal-evalwazzjoni

Tiġi mistieden (4) fiċ-ċentru tal-evalwazzjoni jekk tkun tagħmel parti mil-lista ta' kandidati li:

—	skont id-dikjarazzjonijiet fl-applikazzjoni elettronika tagħhom jissodisfaw il-kundizzjonijiet ġenerali u speċifiċi tal-ammissjoni tat-taqsima III. u

—	ikunu ġabu l-aħjar marki fl-għażla tal-kwalifiki (ara l-punt 2 tat-taqsima IV).

2.	Ċentru tal-evalwazzjoni

Tiġi mistieden tattendi f'ċentru tal-evalwazzjoni fi Brussell għall-eżamijiet.

L-eżamijiet tal-kompetizzjonijiet AD6 u AD7 huma l-istess minbarra eżami supplimentari fis-sottodominju tal-kompetizzjoni AD7. L-immarkar tal-eżamijiet tar-raġunament u tal-eżamijiet tal-kompetenzi ġenerali u speċifiċi jiġi adattat skont il-livell tal-kompetizzjoni.

Ser tiġi evalwat fuq il-Ħiliet tar-raġunament tiegħek abbażi tal-elementi li ġejjin (ara l-punt 4 tal-gwida għall-kompetizzjonijiet miftuħa u l-eżempji fil-websajt tal-EPSO (http://europa.eu/epso/apply/index_mt.htm)):

a)	Raġunament verbali

b)	Raġunament numeriku

c)	Raġunament astratt

Ser tkun ivvalutat ukoll fuq il-Kompetenzi speċifiċi fil-qasam li tkun għażilt kif ukoll fuq il-Kompetenzi ġenerali li ġejjin:

Analiżi u soluzzjoni tal-problemi

Komunikazzjoni

Prestazzjoni ta' kwalità kif ukoll ta' riżultati

Tagħlim u żvilupp

Prijoritizzazzjoni u organizzazzjoni

Reżiljenza

Ħidma mal-oħrajn

Tmexxija

Dettalji dwar dawn il-kompetenzi jinsabu fil-punt 1.2 tal-gwida għall-kompetizzjonijiet miftuħa.

Il-kompetenzi speċifiċi u ġenerali jiġu eżaminati permezz ta':

d)	Studju ta' każ bil-kitba fil-qasam magħżul

e)	Eżerċizzju fi grupp

f)	Intervista strutturata

g)	Għall-AD7 biss: eżami addizzjonali bil-kitba fil-qasam magħżul

Lingwa tal-eżamijiet

Eżamijiet a) sa f) u, jekk applikabbli eżami g): lingwa 2 (Ġermaniż, Ingliż jew Franċiż)

Eżami d): Matul dan l-eżami ser jiġi eżaminat ukoll l-għarfien tiegħek tal-lingwa 1 tiegħek (il-lingwa prinċipali)

Immarkar

Ħiliet tar-raġunament

a)	Raġunament verbali: immarkat minn 0-20 punti

b)	Raġunament numeriku: immarkat minn 0-10 punti

c)	Raġunament astratt: immarkat minn 0-10 punti

AD6:

Il-marki biex tgħaddi mill-eżamijiet a), b) u c) flimkien huma 20 punt

AD7:

Il-marka biex tgħaddi mill-eżami a) hija 10 punti

Il-marka biex tgħaddi mill-eżamijiet b) u c) flimkien hija 10 punti

Trid iġġib il-marka li biha tgħaddi mill-eżamijiet a), b) u c) iżda dawn il-punti ma jingħaddux mar-riżultati tal-eżamijiet d), e), f) u jekk applikabbli, g).

Kompetenzi speċifiċi

Kemm għall-kompetizzjoni AD6 kif ukoll għal dik AD7, il-kompetenzi speċifiċi tiegħek fil-qasam magħżul, eżaminati f'd), e) u f) ser ikunu mmarkati b'punti minn 0 sa 100.

Marka biex tgħaddi: 50 punt

Għall-AD7 biss: il-kompetenzi speċifiċi tiegħek fil-qasam magħżul, eżaminati fl-eżami addizzjonali g) ser ikunu mmarkati b'punti minn 0 sa 30.

Marka biex tgħaddi: 15-il punt

Kompetenzi ġenerali

Il-kompetenzi ġenerali totali tiegħek ser ikunu mmarkati b'punti minn 0 sa 80

Marka biex tgħaddi:

AD6:	40 punt għat-total tat-8 kompetenzi ġenerali.
AD7:	3 punti għal kull kompetenza ġenerali u 40 punt għat-total tat-8 kompetenzi ġenerali.

VI. LISTI TA' RIŻERVA

1.	Kandidati li jiddaħħlu fil-lista ta' riżerva

Il-bord tal-għażla ser jistabbilixxi lista ta' riżerva għal kull kompetizzjoni (lista waħda għall-AD6 u oħra għall-AD7) u jniżżel ismek fil-lista ta' riżerva AD6 u/jew AD7 (5) jekk tkun wieħed/waħda mill-kandidati li jissodisfaw il-kundizzjonijiet kollha tat-taqsima V u tkun ġibt tal-anqas il-marki minimi fl-eżamijiet kollha kif ukoll waħda mill-aħjar marki fl-eżamijiet (d), (e), u (f) għall-kompetizzjoni AD6 u (d), (e), (f) u (g) għall-kompetizzjoni AD7 (ara t-taqsima V). L-għadd ta' kandidati li jikkwalifikaw skont il-kompetizzjoni u skont il-qasam huwa limitat għal dak li jidher fit-taqsima I, mingħajr preġudizzju għal żieda eventwali tal-għadd ta' kandidati li jikkwalifikaw fil-lista ta' riżerva AD6, li jkun daqs l-għadd ta' kandidati li jikkwalifikaw imniżżla kemm fil-lista ta' riżerva AD6 kif ukoll dik AD7 tal-istess qasam.

Il-listi ta' riżerva ser jibqgħu validi sal-31 ta' Diċembru 2012.

2.	Klassifikazzjoni

Il-listi ta' riżerva ser ikunu stabbiliti fi gruppi ta' mertu għal kull qasam. L-ismijiet tal-kandidati ser ikunu elenkati skont l-ordni alfabetiku fi ħdan kull grupp ta' mertu.

3.	Post tal-ħatra

Il-kandidati li jitniżżlu fil-lista/i ta' riżerva ser ikunu eliġibbli għal ħatra bħala Amministraturi tar-Riċerka mal-Kummissjoni Ewropea, l-aktar fis-siti tal-JRC, kif spjegat fit-taqsima I.

Minħabba li s-siti tal-JRC mhumiex ċentralizzati iżda mxerrda madwar l-Ewropa (Ispra, Sivilja, Karlsruhe, Petten, Geel, Brussell), il-JRC huwa impenjat li jgħin lill-uffiċjali l-ġodda jintegraw aħjar professjonalment kif ukoll li jgħin lin-nisa/irġiel u l-familji tagħhom biex jintegraw aħjar fl-ambjent soċjali ġdid tagħhom.

VII. KIF TAPPLIKA

1.	Applikazzjoni onlajn

Int għandek tapplika b'mod elettroniku billi ssegwi l-proċedura indikata fuq il-websajt tal-EPSO.

Data ta' għeluq: l-4 ta' Novembru 2010 sa 12:00 (nofsinhar), ħin ta' Brussell

2.	Sottomissjoni tal-fajls tal-applikazzjoni

Jekk inti tkun wieħed mill-kandidati mistiedna fiċ-ċentru tal-evalwazzjoni, se tiġi mitlub tissottometti fajl komplut tal-applikazzjoni (formola tal-applikazzjoni onlajn iffirmata u dokumenti ta' sostenn).

Data tal-għeluq: Id-data tal-għeluq se tkun ikkomunikata permezz tal-kont EPSO tiegħek.

Proċedura: Ara l-punt 2.2 tal-gwida għall-kompetizzjonijiet miftuħa.

(1) F'dan l-avviż kwalunkwe referenza għal persuna tas-sess maskil trid titqies li tirreferi wkoll għal persuna tas-sess femminil.

(2) Il-kandidati li ma jiġux mistiedna fiċ-ċentru tal-evalwazzjoni jkunu jistgħu jiksbu, fuq domanda fi żmien għaxart ijiem tal-kalendarju wara li jitħabbru r-riżultati, kopja tal-formola tal-evalwazzjoni tal-kwalifiki tagħhom mill-bord tal-għażla.

(3) Mingħajr preġudizzju għal żieda eventwali tal-għadd ta' kandidati mistiedna fiċ-ċentru tal-evalwazzjoni għall-kompetizzjoni AD6 li jkun daqs l-għadd ta' kandidati mistiedna għaż-żewġ kompetizzjonijiet AD6 u AD7 tal-istess qasam.

(4) Fil-każ li fl-aħħar post ikun hemm aktar minn kandidat wieħed li ġabu l-istess marka, dawn il-kandidati kollha jiġu mistiedna fiċ-ċentru tal-evalwazzjoni.

(5) Fil-każ li fl-aħħar post ikun hemm aktar minn kandidat wieħed li jġib l-istess marka, dawn il-kandidati kollha jitniżżlu fil-lista ta' riżerva.

ANNESS I

Qasam 1: Sigurtà tat-Teknoloġija tal-Informazzjoni u l-Komunikazzjoni

1. Dmirijiet

Id-dmirijiet ser ikunu jinvolvu l-aktar:

—	Żvilupp ta' softwer

—	Valutazzjoni tar-riskji

—	Mudellar u simulazzjoni fil-laboratorju

—	Preparazzjoni ta' pubblikazzjonijiet

—	Preżentazzjoni ta' riżultati waqt konferenzi, seminars u laqgħat

2. Kwalifiki akkademiċi:

Diploma fix-xjenzi tal-kompjuter, il-matematika jew grad universitarju ieħor korrispondenti fil-livell li ġej:

AD6 Amministraturi tar-Riċerka:

(i)	livell ta' edukazzjoni li jikkorrispondi ma' studji universitarji kkompletati ta' mill-anqas tliet snin u ċċertifikati b'diploma.

AD7 Amministraturi tar-Riċerka:

(ii)	livell ta' edukazzjoni li jikkorrispondi ma' studji universitarji kkompletati, iċċertifikati b'diploma fejn il-perjodu normali tal-edukazzjoni universitarja jkun ta' erba' snin jew aktar, jew

(iii)

livell ta' edukazzjoni li jikkorrispondi ma' studji universitarji kkompletati, iċċertifikati b'diploma, fejn il-perjodu normali ta' edukazzjoni universitarja jkun ta' mill-anqas tliet snin u esperjenza professjonali xierqa ta' mill-anqas sena fil-qasam magħżul.

3. Esperjenza professjonali

AD6:

esperjenza professjonali miksuba wara l-ewwel kwalifika meħtieġa kif imsemmi fil-punt 2. (i) ta' mill-anqas tliet snin hija meħtieġa fil-qasam magħżul. Studji fil-livell ta' dottorat jistgħu jitqiesu bħala esperjenza professjonali sa massimu ta' tliet snin.

AD7:

esperjenza professjonali miksuba wara l-ewwel kwalifika meħtieġa kif imsemmi fil-punt 2. (ii) u 2. (iii) ta' mill-anqas sitt snin hija meħtieġa fil-qasam magħżul. Dawn is-sitt snin ta' esperjenza professjonali jridu jkunu b'żieda mas-sena speċifika meħtieġa kif imsemmi fil-punt 2. (iii). Studji fil-livell ta' dottorat jistgħu jitqiesu bħala esperjenza professjonali sa massimu ta' tliet snin.

4. Għażla abbażi tal-kwalifiki

Waħda jew iżjed minn dawn l-esperjenzi, għarfien u ħiliet ikunu ta' vantaġġ:

a.	Diploma addizzjonali fil-qasam

b.	Pubblikazzjonijiet f'ġurnali analizzati minn pari

Esperjenza akkademika u/jew professjonali fl-oqsma li ġejjin:

—	Is-sigurtà fl-ICT fl-aktar teknoloġiji riċenti mill-oqsma tal-mowbajl, l-Internet, il-komunikazzjoni u s-sistemi integrati (embedded systems)

—	Analiżi tat-theddid u l-kunċetti tas-sigurtà għat-teknoloġiji emerġenti tal-ICT: Netwerks bejn il-pari, sistemi integrati, sensuri intelliġenti

—	Analiżi tat-theddid u l-kunċetti tas-sigurtà għat-teknoloġiji emerġenti tal-ICT: Komputazzjoni awtonoma, komputazzjoni ubikwa, komputazzjoni b'sistema ta' grid, komputazzjoni kwantum u l-kriptokrafija

—	Analiżi tat-theddid u l-kunċetti tas-sigurtà għat-teknoloġiji emerġenti tal-ICT: Komunikazzjonijiet f'ħin reali, komunikazzjonijiet nearfield, komunikazzjonijiet bil-broadband

—	Analiżi tat-theddid u l-kunċetti tas-sigurtà għat-teknoloġiji emerġenti tal-ICT: Softwer b'sors miftuħ, kopji, protezzjoni, teknoloġiji tal-internet, protezzjoni internazzjonali tad-dejta u privatezza, anonimità, komputazzjoni soċjali

—	Valutazzjoni tar-riskji fl-użu ta' teknoloġiji ġodda tal-informazzjoni u l-komunikazzjoni

—	valutazzjoni tax-xejriet globali fl-ICT u l-implikazzjonijiet tas-sigurtà u l-privatezza tagħhom abbażi ta' analiżi desktop tal-vulnerabbiltà u ta' mmudellar u simulazzjoni fil-laboratorju.

ANNESS II

Qasam 2: Estrazzjoni tal-Informazzjoni, Analiżi u Teknoloġiji tal-Internet

1. Dmirijiet

Id-dmirijiet ser ikunu jinvolvu l-aktar fi:

—	Żvilupp ta' softwer

—	Valutazzjoni tar-riskji

—	Preparazzjoni ta' pubblikazzjonijiet

—	Preżentazzjoni ta' riżultati waqt konferenzi, seminars u laqgħat

2. Kwalifiki akkademiċi:

Diploma fix-xjenzi tal-kompjuter, lingwistika komputazzjonali, statistika jew grad universitarju ieħor korrispondenti fil-livell li ġej:

AD6 Amministraturi tar-Riċerka:

(i)	livell ta' edukazzjoni li jikkorrispondi ma' studji universitarji kkompletati ta' mill-anqas tliet snin u ċċertifikati b'diploma.

AD7 Amministraturi tar-Riċerka:

(ii)	livell ta' edukazzjoni li jikkorrispondi ma' studji universitarji kkompletati, iċċertifikati b'diploma fejn il-perjodu normali tal-edukazzjoni universitarja jkun ta' erba' snin jew aktar, jew

(iii)

3. Esperjenza professjonali

AD6:

AD7:

4. Għażla abbażi tal-kwalifiki

Waħda jew iżjed minn dawn l-esperjenzi, għarfien u ħiliet ikunu ta' vantaġġ:

a.	Diploma addizzjonali fil-qasam

b.	Pubblikazzjonijiet f'ġurnali analizzati minn pari

Esperjenza akkademika u/jew professjonali fl-oqsma li ġejjin:

—	Żvilupp ta' soluzzjonijiet tal-IT għall-ipproċessar u t-trasferiment tad-dejta

—	Żvilupp ta' sistemi tal-IT għall-analiżi tad-dejta u l-estrazzjoni tad-dejta

—	Teknoloġiji tal-internet, proċessar ta' lingwi naturali, ġbid u viżwalizzazzjoni ta' informazzjoni

—	Żvilupp ta' tekniki applikabbli għal datasets kbar strutturati u mhux strutturati, fosthom dawk multilingwi, estrazzjoni ta' informazzjoni minn testi, rikonoxximent u estrazzjoni ta' sekwenzi

—

Żvilupp u applikazzjoni ta' metodi għall-maniġġ ta' kompiti tipiċi ta' estrazzjoni minn testi, kategorizzazzjoni ta' testi, raggruppar ta' testi, rikonoxximent ta' entitajiet imsemmija, estrazzjoni ta' kunċetti, produzzjoni u użu ta' tassonomiji, analiżi tas-sentimenti, tqassir ta' dokumenti u mudellar/analiżi tar-relazzjonijiet bejn entitajiet

—	Analiżi ta' xenarji għall-estrazzjoni integrata tal-infomazzjoni minn dejta eteroġena, għad-derivazzjoni u l-iskoperta ta' sekwenzi u għarfien ġodda

—	Esplorazzjoni ta' volumi kbar ta' dejta multidimensjonali, possibbilment li tvarja mal-ħin u li tippreżenta b'mod viżwali r-riżultati u l-informazzjoni sabiex tinftiehem id-dejta, jiġu estratti elementi sinifikanti u jiġu enfasizzati r-riżultati rilevanti

—	Java, Hibernate, Struts, JSP, teknoloġiji tal-Internet, proċessar tal-lingwi naturali, metodoloġiji għall-interfaċċja tal-utent, viżwalizzazzjoni, tagħlim awtomatiku, proċessar tas-sinjali u programmar statistiku (SAS, MATLAB)

—	Żvilupp ta' metodoloġiji għall-għarfien sitwazzjonali ta' kriżi f'ħin reali; ġestjoni kollaborattiva ta' kriżi; analiżi tat-theddid, ditezzjoni u twissija bikrija u analiżi tal-monitoraġġ tal-midja

ANNESS III

Qasam 3: Teknoloġiji tal-Komunikazzjoni Bla Wajers

1. Dmirijiet

Id-dmirijiet ser ikunu jinvolvu l-aktar fi:

—	Żvilupp ta' soluzzjonijiet teknoloġiċi avvanzati

—	Valutazzjoni tar-riskji

—	Preparazzjoni ta' pubblikazzjonijiet

—	Preżentazzjoni ta' riżultati waqt konferenzi, seminars u laqgħat

2. Kwalifiki akkademiċi:

Diploma fl-Inġinerija Elettronika/Elettrika/tat-Telekomunikazzjonijiet, Fiżika jew Matematika jew grad universitarju korrispondenti ieħor f'dan il-livell:

AD6 Amministraturi tar-Riċerka:

(i)	livell ta' edukazzjoni li jikkorrispondi ma' studji universitarji kkompletati ta' mill-anqas tliet snin u ċċertifikati b'diploma.

AD7 Amministraturi tar-Riċerka:

(ii)	livell ta' edukazzjoni li jikkorrispondi ma' studji universitarji kkompletati, iċċertifikati b'diploma fejn il-perjodu normali tal-edukazzjoni universitarja jkun ta' erba' snin jew aktar, jew

(iii)

3. Esperjenza professjonali

AD6:

AD7:

4. Għażla abbażi tal-kwalifiki

Waħda jew iżjed minn dawn l-esperjenzi, għarfien u ħiliet ikunu ta' vantaġġ:

a.	Diploma addizzjonali fil-qasam

b.	Pubblikazzjonijiet f'ġurnali analizzati minn pari

Esperjenza akkademika u/jew professjonali fl-oqsma li ġejjin:

—	Komunikazzjoni bla wajers u/jew teknoloġiji tas-sensuri, partikolarment fl-ipproċessar tas-sinjali diġitali u standards u protokolli komuni tal-komunikazzjonijiet bla wajers

—	Valutazzjoni tal-vulnerabbiltajiet tas-sistemi tal-komunikazzjoni u n-navigazzjoni

—	Żvilupp ta' soluzzjonijiet teknoloġiċi avvanzati biex jittaffew u/jew jitnaqqsu l-vulnerabbiltajiet għall-interferenzi intenzjonali

—	Riċerka dwar is-sigurtà tal-ICT, partikolarment tan-netwerks tal-ġenerazzjoni li jmiss u l-konverġenza tat-teknoloġiji tal-informazzjoni, il-komunikazzjoni u n-navigazzjoni

—	Żvilupp u integrazzjoni ta' soluzzjonijiet tat-teknoloġija avvanzata sabiex jiġu indirizzati l-isfidi emerġenti fis-sigurtà tal-ICT

—

Teknoloġiji tas-sigurtà għas-sikurezza pubblika u s-sistema intelliġenti tat-trasport: Digital beam forming fis-sistemi tar-radar u l-komunikazzjoni, kejl tal-interferenza tal-frekwenzi tar-radju (RF) u t-tekniki ta' mitigazzjoni, sistemi tar-radar u tal-komunikazzjoni b'faxx ultrawiesa', radju kognittiv, komunikazzjonijiet sikuri bir-radju, konverġenza tal-komunikazzjonijiet bir-radju, netwerks tas-sensuri intelliġenti, vulnerabbiltà tat-trasport msejjes fuq il-GNSS u l-infrastrutturi kritiċi tal-ICT, standardizzazzjoni u l-interoperabbiltà tat-teknoloġiji bla wajers, komputazzjoni mifruxa u pervażiva

ANNESS IV

Qasam 4: Sigurtà tan-Netwerks

1. Dmirijiet

Id-dmirijiet ser ikunu jinvolvu l-aktar fi:

—	Żvilupp ta' soluzzjonijiet teknoloġiċi avvanzati

—	Valutazzjoni tar-riskji

—	Preparazzjoni ta' pubblikazzjonijiet

—	Preżentazzjoni ta' riżultati waqt konferenzi, seminars u laqgħat

2. Kwalifiki akkademiċi:

Diploma fix-xjenzi tal-kompjuter, l-inġinerija elettronika, dixxiplini oħra tal-inġinerija, il-matematika, il-fiżika jew grad universitarju korrispondenti ieħor f'dan il-livell:

AD6 Amministraturi tar-Riċerka:

(i)	livell ta' edukazzjoni li jikkorrispondi ma' studji universitarji kkompletati ta' mill-anqas tliet snin u ċċertifikati b'diploma.

AD7 Amministraturi tar-Riċerka:

(ii)	livell ta' edukazzjoni li jikkorrispondi ma' studji universitarji kkompletati, iċċertifikati b'diploma fejn il-perjodu normali tal-edukazzjoni universitarja jkun ta' erba' snin jew aktar, jew

(iii)

3. Esperjenza professjonali

AD6:

AD7:

4. Għażla abbażi tal-kwalifiki

Waħda jew iżjed minn dawn l-esperjenzi, għarfien u ħiliet ikunu ta' vantaġġ:

a.	Diploma addizzjonali fil-qasam

b.	Pubblikazzjonijiet f'ġurnali analizzati minn pari

Esperjenza akkademika u/jew professjonali fl-oqsma li ġejjin:

—	Żvilupp ta' tekniki għall-immudellar u l-valutazzjoni ta' sistemi kritiċi

—	Disinn, implimentazzjoni u evalwazzjoni ta' esperimenti tas-sigurtà tan-netwerks

—	Żvilupp ta' metodi tal-valutazzjoni tar-reżiljenza u l-vulnerabbiltà ta' sistemi ta' sistemi tal-informazzjoni u l-komunikazzjoni ta' skala kbira

—	Mudellar tal-interdipendenzi fost il-komponenti differenti tal-infrastruttura tal-informazzjoni

—	Żvilupp ta' sistemi għall-osservazzjoni u l-kejl ta' esperimenti tas-sigurtà

—	Żvilupp ta' tekniki ta' simulazzjoni u għodod għall-analiżi tal-malware u mekkaniżmi relatati ta' theddid u attakk

—	Mudellar tas-sigurtà, analiżi u simulazzjoni ta' sistemi tal-informazzjoni u l-komunikazzjoni industrijali, fosthom l-iSCADA (Kontroll Superviżorju u l-Akkwist tad-Dejta) u sistemi oħra ta' kontroll

—	Żvilupp u applikazzjoni tal-metriki tas-sigurtà pertinenti biex jitkejlu, jiġu kkomunikati u ggradati l-parametri differenti relatati mas-sigurtà, bħall-vulnerabbiltà, l-esponiment għat-theddid, suxxettibbiltà għall-attakki, ir-reżiljenza

—	Żvilupp ta' tekniki għall-valutazzjoni tal-konsegwenzi ta' attakki malizzjużi fuq sistemi tal-informazzjoni u l-komunikazzjoni ta' skala kbira, fosthom xenarji b'atturi multipli u transkonfinali

—	Vijabbiltà ta' approċċi differenti ta' mmaniġjar tar-riskji u l-governanza tar-riskji