29.7.2010   

MT

Il-Ġurnal Uffiċjali tal-Unjoni Ewropea

C 205/14

Notifika minn qabel ta' konċentrazzjoni

(Każ COMP/M.5886 – Emerson Electric Co./Chloride Group)

(Test b’relevanza għaż-ŻEE)

2010/C 205/10

1.

Fid-19 ta’ Lulju 2010, il-Kummissjoni rċeviet notifika għal konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1) li biha Emerson Electric Company (“Emerson”, l-Istati Uniti tal-Amerika) takkwista skont it-tifsira tal-Artikolu 3(1)(b) tar-Regolament dwar l-Għaqdiet il-kontroll sħiħ tal-impriża Chloride Group PLC (“Chloride”, ir-Renju Unit) permezz ta' offerta pubblika mħabbra fid-29 ta’ Ġunju 2010.

2.

L-attivitajiet kummerċjali tal-impriżi kkonċernati huma:

—

Emerson: Soluzzjonijiet teknoloġiċi għas-saħħa tan-netwerk, ġestjoni tal-proċess, l-awtomazzjoni industrijali, tekonoloġiji klimatiċi, soluzzjonijiet ta' ħażna, teknoloġija tal-magni, setturi tat-tagħmir; kif ukoll sistemi għall-provvediment ta' enerġija noninteruttibli (UPS),

—

Chloride: Apparat elettriku, software, sistemi UPS.

3.

Wara eżami preliminari, il-Kummissjoni ssib li l-operazzjoni nnotifikata tista’ taqa’ fl-ambitu tar-Regolament tal-KE dwar l-Għaqdiet. Madanakollu, id-deċiżjoni finali dwar dan il-punt hija riżervata.

4.

Il-Kummissjoni tistieden lill-partijiet terzi interessati biex jibagħtu kwalunkwe kumment li jista’ jkollhom dwar l-operazzjoni proposta lill-Kummissjoni.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Il-kummenti jistgħu jintbagħtu lill-Kummissjoni bil-feks (+32 22964301), jew b'emejl lil COMP-MERGER-REGISTRY@ec.europa.eu jew bil-posta, taħt in-numru ta' referenza COMP/M.5886 – Emerson Electric Co./Chloride Group, fl-indirizz li ġej:

Il-Kummissjoni Ewropea

Direttorat Ġenerali għall-Kompetizzjoni

Reġistru tal-Amalgamazzjonijiet

J-70

1049 Bruxelles/Brussel

BELGIQUE/BELGIË

(1)  ĠU L 24, 29.1.2004, p. 1 (ir-“Regolament tal-KE dwar l-Għaqdiet”).