23.3.2010 |
MT |
Il-Ġurnal Uffiċjali tal-Unjoni Ewropea |
C 73/31 |
MEDIA 2007
Sejħa għall-Proposti – EACEA/04/10
Sostenn għall-implimentazzjoni ta’ proġetti pilota
2010/C 73/07
1. Objettivi u Deskrizzjoni
Dan l-avviż għal sejħa għall-proposti huwa bbażat fuq id-Deċiżjoni Nru 1718/2006/KE tal-Parlament Ewropew u tal-Kunsill tal-15 ta' Novembru 2006 dwar l-implimentazzjoni ta' programm ta' appoġġ lis-settur awdjoviżiv Ewropew (MEDIA 2007) (1).
Waħda mill-miżuri li trid tiġi implimentata skont din id-Deċiżjoni hija li tkun ta’ sostenn għall-implimentazzjoni tal-proġetti pilota.
Il-programm jista’ jkun ta’ sostenn għall-proġetti pilota sabiex jiżgura li jassorbi l-iżviluppi tas-suq, b’emfasi partikolari fuq l-introduzzjoni u l-użu tat-teknoloġiji ta’ informazzjoni u komunikazzjoni.
2. Applikanti eliġibbli
Dan l-avviż huwa mmirat lill-kumpaniji Ewropej li l-attivitajiet tagħhom jikkontribwixxu għall-għanijiet imsemmija hawn fuq.
L-applikanti għandhom ikunu stabbiliti f’wieħed mill-pajjiżi li ġejjin:
— |
is-27 pajjiż tal-Unjoni Ewropea |
— |
il-pajjżi tal-EFTA |
— |
l-Iżvizzera |
— |
il-Kroazja |
3. Attivitajiet eliġibbli
L-azzjonijiet li ġejjin huma eliġibbli skont din is-sejħa għall-proposti:
(1) |
Distribuzzjoni: metodi ġodda kif jinħoloq u jiġi distribwit kontenut awdjoviżiv Ewropew permezz ta' servizzi mhux lineari |
(2) |
Ambjent Miftuħ għall-Produzzjoni Medjatika |
(3) |
Distribuzzjoni – Promozzjoni u Markiting l-użu tal-għodda li joffri l-internet sabiex tiġi żviluppata l-komunità lokali taċ-ċinema |
(4) |
“Portal tal-Media Junction”: sabiex jitwessa’ u jitjieb l-aċċess u l-ispjega għal informazzjoni strutturata tal-kontenut awdjoviżiv Ewropew |
(5) |
Proġetti pilota li preċedentement ingħataw fondi: Azzjonijiet li rċevew fondi skont is-sejħa għall-proposti tal-Proġett Pilota MEDIA preċedenti |
It-tul massimu tal-azzjonijiet huwa ta' 12-il xahar.
L-azzjonijiet iridu jibdew fl-1 Jannar 2011 u jintemmu fil-31 ta' Diċembru 2011.
4. Kriterji tal-Għoti
Kull azzjoni eliġibbli sottomessa ser tkun valutata fid-dawl tal-kriterji li ġejjin:
— |
ir-relevanza tal-attività vis-a-vis l-għanijiet tal-programm (20 %) |
— |
id-dimensjoni Ewropea tal-attività (20 %) |
— |
iċ-ċarezza tal-għanijiet u l-gruppi fiċ-ċentru tal-azzjoni (15 %) |
— |
iċ-ċarezza u l-konsistenza tad-diżinn ġenerali tal-azzjoni u l-probabilità li tikseb l-għan mixtieq fi żmien stipulat tal-azzjoni (15 %) |
— |
il-prezz vis-a-vis l-effikaċja tal-azzjoni (10 %) |
— |
l-esperjenza tal-organizzazzjonijiet li ser ikunu qed jieħdu sehem u l-kwalità tal-pjan ta’ ġestjoni tal-azzjoni (10%) |
— |
il-kwalità u l-effikaċja tal-pjan għall-firxa tar-riżultati (10 %) |
5. Baġit
Il-baġit totali disponibbli huwa EUR 1,5 miljuni.
Ma hemm ebda ammont massimu.
Il-kontribuzzjoni finanzjarja tieħu l-forma ta' għotja. Il-kontribuzzjoni finanzjarja mogħtija ma għandha qatt taqbeż il-50 % tal-ispejjeż eliġibbli.
L-Aġenzija żżomm id-dritt li ma tqassamx il-fondi kollha disponibbli.
6. Skadenza għall-preżentazzjoni tal-applikazzjonijiet
L-applikazzjonijiet għandhom jiġu ppreżentati lill-Aġenzija Eżekuttiva (EACEA) sa mhux aktar tard mill-14 ta' Ġunju 2010.
L-applikazzjonijiet ippreżentati fuq il-formola ta’ applikazzjoni uffiċjali, iffirmati mill-persuna awtorizzata biex tidħol f’impenji li legalment jorbtu f’isem l-organizzazzjoni li qed tapplika biss ikunu aċċettati. Fuq l-inviloppi importanti li tissemma’:
MEDIA 2007 – Proġetti Pilota – EACEA/04/10
L-applikazzjonijiet iridu jintbagħtu permezz ta’ posta rreġistrata jew servizz kurrier (spejjeż għall-applikant) f’dan l-indirizz:
Education, Audiovisual and Culture Executive Agency |
MEDIA 2007 – Proġetti Pilota – EACEA/04/10 |
Mr Constantin Daskalakis |
Avenue du Bourget/Bourgetlaan 1 |
BOUR 03/30 |
1049 Bruxelles/Brussel |
BELGIQUE/BELGIË |
L-applikazzjonijiet li jintbagħtu bil-fax jew bl-email jiġu rifjutati.
7. Tagħrif sħiħ
Il-linji gwida dettaljati, flimkien mal-formoli ta’ applikazzjoni, qegħdin fl-indirizz li ġej: http://ec.europa.eu/information_society/media/newtech/pilot/index_en.htm
L-applikazzjonijiet għandhom jikkonformaw mar-rekwiżiti kollha tal-linji gwida u għandhom jiġu ppreżentati fuq il-formoli pprovduti.
(1) ĠU L 327, 24.11.2006, p. 12.