3.3.2010   

MT

Il-Ġurnal Uffiċjali tal-Unjoni Ewropea

C 53/12

Notifika minn qabel ta' konċentrazzjoni

(Każ COMP/M.5755 – Schneider Electric/Areva T&D Distribution activities)

(Test b’relevanza għaż-ŻEE)

2010/C 53/08

1.

Fit-22 ta’ Frar 2010 il-Kummissjoni rċeviet notifika ta' proposta ta' konċentrazzjoni skont l-Artikolu 4 tar-Regolament tal-Kunsill (KE) Nru 139/2004 (1) li permezz tagħha l-impriża Schneider Electric Industries SAS (“SE”, Franza), ikkontrollata minn Schneider Electric Holding SA (“SE Holding”, Franza) takkwista fi ħdan it-tifsira tal-Artikolu 3(1)(b) tar-Regolament tal-KE dwar l-Għaqdiet il-kontroll kollu tal-attivitajiet ta' distribuzzjoni (vultaġġ medju) ta' Areva T&D Holding SA (“Areva T&D”, Franza), ikkontrollata minn Areva (“Areva”, Franza), permezz tax-xiri ta' ishma.

2.

L-attivitajiet kummerċjali tal-impriżi kkonċernati huma:

—

għal SE: id-disinn, il-manifattura u l-bejgħ ta' prodotti u sistemi fil-ġestjoni tal-enerġija,

—

għal Areva T&D (attivitajiet MV): il-provvista ta' prodotti, sistemi u servizzi li jassistu fit-trażmissjoni u d-distribuzzjoni ta' enerġija elettrika ta' vultaġġ medju:.

3.

Wara eżami preliminari, il-Kummissjoni ssib li l-operazzjoni nnotifikata tista' taqa' fl-ambitu tar-Regolament tal-KE dwar l-Għaqdiet. Madanakollu, id-deċiżjoni finali dwar dan il-punt hija riżervata.

4.

Il-Kummissjoni tistieden lill-partijiet terzi interessati biex jibagħtu kwalunkwe kumment li jista’ jkollhom dwar l-operazzjoni proposta lill-Kummissjoni.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Il-kummenti jistgħu jintbagħtu lill-Kummissjoni bil-feks (+32 22964301), jew b'emejl lil COMP-MERGER-REGISTRY@ec.europa.eu jew bil-posta, taħt in-numru ta' referenza COMP/M.5755 – Schneider Electric/Areva T&D Distribution activities, fl-indirizz li ġej:

Il-Kummissjoni Ewropea

Direttorat Ġenerali għall-Kompetizzjoni

Reġistru tal-Amalgamazzjonijiet

J-70

1049 Bruxelles/Brussel

BELGIQUE/BELGIË

(1)  ĠU L 24, 29.1.2004, p. 1 (ir-“Regolament tal-KE dwar l-Għaqdiet”).