6.2.2010   

MT

Il-Ġurnal Uffiċjali tal-Unjoni Ewropea

C 30/21

Notifika minn qabel ta' konċentrazzjoni

(Każ COMP/M.5637 – Motor Oil (Hellas) Corinth Refineries S.A./Shell Overseas Holdings Limited)

(Test b’relevanza għaż-ŻEE)

2010/C 30/11

1.

Fis-27 ta’ Jannar 2010, il-Kummissjoni rċeviet notifika ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1) li permezz tagħha l-impriża Motor Oil (Hellas) Corinth Refineries S.A. (“MOH”, il-Greċja) se takkwista b’mod simultanju, fit-tifsira tal-Artikolu 3(1)(b) tar-Regolament tal-KE dwar l-Għaqdiet (i) il-kontroll sħiħ ta’ (a) Shell Gas Commercial and Industrial Societe Anonyme of Gas (“The LPG Company”, il-Greċja) u (b) Shell Hellas A.E. (“SH Company”, il-Greċja) li fl-aħħar mill-aħħar it-tnejn huma kkontrollati minn The Royal Dutch Shell Group (“Shell”, il-Pajjiżi l-Baxxi) u kif ukoll (ii) kontroll konġunt ma’ Shell Overseas Holdings Limited (“SOHL”, ir-Renju Unit), sussidjarja tax-Shell, fuq Shell AE (“JV”), impriża konġunta ġdida, permezz tax-xiri ta’ ishma.

2.

L-attivitajiet kummerċjali tal-impriżi kkonċernati huma:

—

għal MOH: attivitajiet fis-settur tar-raffinar taż-żejt u l-bejgħ tal-prodotti petrolifiċi (il-bejgħ bl-imnut u bejgħ mhux bl-imnut ta' karburanti awtomobilistiċi, karburanti għall-avjazzjoni, karburant taż-żejt, lubrikanti, eċċ),

—

għal SOHL: (i) esplorazzjoni, produzzjoni u bejgħ globali ta’ żejt u ta’ gass naturali, (ii) produzzjoni u bejgħ ta’ prodotti taż-żejt u ta’ kimiki, (iii) ġenerazzjoni ta’ elettriku u produzzjoni ta’ enerġija minn sorsi rinnovabbli,

—

għal SH Company: (i) bejgħ bl-imnut ta’ karburant, karburant kummerċjali u qatran, (ii) ħażna ta’ kimiki u (iii) kummerċ ta’ karburant għall-avjazzjoni

—

għal LPG Company: bejgħ ta’ Gass Likwidu taż-Żejt (“LPG”) fil-Greċja.

—

għal Shell A.E. (“JV”): attivitajiet dwar il-kummerċ ta’ karburant għall-avjazzjoni.

3.

Wara eżami preliminari, il-Kummissjoni ssib li l-operazzjoni nnotifikata tista' taqa' fl-ambitu tar-Regolament tal-KE dwar l-Għaqdiet. Madanakollu, id-deċiżjoni finali dwar dan il-punt hija riżervata.

4.

Il-Kummissjoni tistieden lill-partijiet terzi interessati biex jibagħtu kwalunkwe kumment li jista’ jkollhom dwar l-operazzjoni proposta lill-Kummissjoni.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Il-kummenti jistgħu jintbagħtu lill-Kummissjoni bil-feks (+32 22964301), jew b'emejl lil COMP-MERGER-REGISTRY@ec.europa.eu jew bil-posta, taħt in-numru ta' referenza COMP/M.5637 – Motor Oil (Hellas) Corinth Refineries S.A./Shell Overseas Holdings Limited, fl-indirizz li ġej:

Il-Kummissjoni Ewropea

Direttorat Ġenerali għall-Kompetizzjoni

Reġistru tal-Amalgamazzjonijiet

J-70

1049 Bruxelles/Brussel

BELGIQUE/BELGIË

(1)  ĠU L 24, 29.1.2004, p. 1 (ir-“Regolament tal-KE dwar l-Għaqdiet”).