8.12.2009   

MT

Il-Ġurnal Uffiċjali tal-Unjoni Ewropea

C 298/18

Notifika minn qabel ta' konċentrazzjoni

(Każ COMP/M.5648 – OTPP/Macquarie/Bristol Airport)

(Test b’relevanza għaż-ŻEE)

2009/C 298/08

1.

Fis-6 ta’ Novembru 2009, il-Kummissjoni rċeviet notifika ta' konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1) li permezz tagħha l-impriżi Ontario Teachers' Pension Plan Board (“OTPP”, il-Kanada) u Macquarie European Infrastructure Fund L.P. (“MEIF”, Guernsey), li tifforma parti mill-Macquarie Group (“Macquarie”, l-Awstralja), jakkwistaw fit-tifsira tal-Artikolu 3(1)(b) tar-Regolament, il-kontroll konġunt tal-impriża Bristol International Airport Limited (“Bristol Airport”, ir-Renju Unit) permezz ta’ xiri ta’ ishma.

2.

L-attivitajiet kummerċjali tal-impriżi kkonċernati huma:

—

għal OTPP: L-investiment ta’ assi tal-fondi tal-pensjoni b’imgħaxijiet, fost affarijiet oħra, fin-negozju tal-infrastruttura fir-Renju Unit,

—

għal Macquarie u MEIF: Il-fornitura globali ta' servizzi bankarji, finanzjarji, ta’ konsulenza, investiment u ġestjoni ta' fondi b’imgħaxijiet, fost affarijiet oħra, fin-negozju tal-infrastruttura fir-Renju Unit,

—

għal Bristol Airport: Il-fornitura ta’ servizzi tal-ajruport.

3.

Wara eżami preliminari, il-Kummissjoni ssib li l-operazzjoni nnotifikata tista' taqa' fl-ambitu tar-Regolament (KE) Nru 139/2004. Madanakollu, id-deċiżjoni finali dwar dan il-punt hija riżervata.

4.

Il-Kummissjoni tistieden lill-partijiet terzi interessati biex jibagħtu kwalunkwe kumment li jista’ jkollhom dwar l’operazzjoni proposta lill-Kummissjoni.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Il-kummenti jistgħu jintbagħtu lill-Kummissjoni bil-faks (+32 22964301 jew 22967244) jew bil-posta, taħt in-numru ta' referenza COMP/M.5648 – OTPP/Macquarie/Bristol Airport, fl-indirizz li ġej:

Il-Kummissjoni Ewropea

Direttorat Ġenerali għall-Kompetizzjoni

Reġistru tal-Amalgamazzjonijiet

1049 Bruxelles/Brussel

BELGIQUE/BELGIË

(1)  ĠU L 24, 29.1.2004, p. 1.