“2.   Eliġibbiltà

Il-Programm tat-Tagħlim Tul il-Ħajja japplika għat-tipi u l-livelli kollha ta' edukazzjoni u taħriġ u edukazzjoni vokazzjonali u huwa aċċessibbli għall-entitajiet kollha elenkati fl-Artikolu 4 tad-Deċiżjoni.

L-applikanti jridu jkunu stabbiliti f’wieħed mill-pajjiżi li ġejjin (1):

—	is-27 Stat Membru tal-Unjoni Ewropea,

—	il-pajjiżi tal-EFTA-ŻEE: l-Iżlanda, il-Liechtenstein, in-Norveġja,

—	Pajjiżi kandidati: it-Turkija.

Flimkien ma' dan:

Applikanti mill-Kroazja u mill-ex-Repubblika Jugoslava tal-Maċedonja huma eliġibbli għall-azzjonijiet li ġejjin:

—	sħubiji permezz tal-Comenius, il-Grundtvig u l-Leonardo da Vinci; (il-Comenius Regio huwa eskluż),

—	taħriġ fuq il-post tax-xogħol permezz tal-Comenius u l-Grundtvig,

—	mobbiltà permezz tal-Leonardo da Vinci,

—	żjarat u skambji permezz tal-Grundtvig,

—	mobbiltà għall-istudenti biex jistudjaw permezz tal-Erasmus u allokazzjonijiet (li jinkludu ċ-ċertifikat ta’ allokazzjoni tal-Konsorzju Erasmus),

—	mobbiltà tal-istaff permezz tal-Erasmus (assenjazzjonijiet tat-tagħlim u taħriġ tal-istaff),

—	żjarat preparatorji fil-programmi sezzjonali kollha, u

—	żjarat ta' studji fl-Attività Prinċipali Nru 1 tal-Programm Transversali.

Applikanti mill-Kroazja u mill-ex-Repubblika Jugoslava tal-Maċedonja huma eliġibbli għall-azzjonijiet li ġejjin:

Jekk jogħġbok innota li taħt is-Sejħa attwali, il-mobbiltà individwali minn pajjiżi oħra li qed jieħdu sehem fil-Programm tat-Tagħlim Tul il-Ħajja għall-Kroazja u l-ex-Repubblika Jugoslava tal-Maċedonja ma tistax tkun iffinanzjata mill-fondi tal-programm, ħlief għall-mobbiltajiet fi ħdan is-sħubiji approvati tal-Comenius, il-Grundtvig u l-Leonardo da Vinci.

Fir-rigward tal-isħubiji, l-applikanti mill-Kroazja u l-ex-Repubblika Jugoslava tal-Maċedonja huma eliġibbli biss bħala sħab, u mhux bħala koordinaturi ta’ sħubija.