20.10.2009   

MT

Il-Ġurnal Uffiċjali tal-Unjoni Ewropea

C 250/3

Notifika minn qabel ta' konċentrazzjoni

(Każ COMP/M.5607 – Avaya/Nortel Enterprise Solutions)

(Test b’relevanza għaż-ŻEE)

2009/C 250/03

1.

Fit-13 ta’ Ottubru 2009 il-Kummissjoni rċeviet notifika ta' proposta ta' konċentrazzjoni skont l-Artikolu 4 tar-Regolament tal-Kunsill (KE) Nru 139/2004 (1) li permeżż tagħha l-impriża Avaya Inc. (“Avaya”, l-Istati Uniti), ikkontrollata b’mod konġunt minn TPG Partners V, L.P. u Silver Lake Partners III, L.P. (“TPG” u “SLP” rispettivament, l-Istati Uniti), jakkwistaw fi ħdan it-tifsira tal-Artikolu 3(1)(b) tar-Regolament tal-Kunsill, il-kontroll ta' ċerti assi u sussidjarji assoċjati man-negozju ta' Enterprise Solutions ta’ Nortel (“Nortel ES”, il-Kanada) tal-impriża Nortel Networks Corporation (“Nortel”, il-Kanada), permezz tax-xiri ta’ assi u ta' sigurtajiet.

2.

L-attivitajiet kummerċjali tal-impriżi kkonċernati huma:

—

għal Avaya: il-provvista ta’ sistemi, applikazzjonijiet u servizzi ta’ komunikazzjoni tal-impriżi,

—

għal TPG: fond ta’ investiment ta' ekwità privata,

—

għal SLP: fond ta’ investiment ta' ekwità privata,

—

għal Nortel ES: sistemi, applikazzjonijiet u servizzi ta’ komunikazzjoni tal-impriżi.

3.

Wara eżami preliminari, il-Kummissjoni ssib li l-operazzjoni nnotifikata tista' taqa' fl-ambitu tar-Regolament (KE) Nru 139/2004. Madanakollu, id-deċiżjoni finali dwar dan il-punt hija riżervata.

4.

Il-Kummissjoni tistieden lill-partijiet terzi interessati biex jibagħtu kwalunkwe kumment li jista’ jkollhom dwar l’operazzjoni proposta lill-Kummissjoni.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Il-kummenti jistgħu jintbagħtu lill-Kummissjoni bil-faks (+32 22964301 jew 22967244) jew bil-posta, taħt in-numru ta' referenza COMP/M.5607 – Avaya/Nortel Enterprise Solutions, fl-indirizz li ġej:

Il-Kummissjoni Ewropea

Direttorat Ġenerali għall-Kompetizzjoni

Reġistru tal-Amalgamazzjonijiet

1049 Bruxelles/Brussel

BELGIQUE/BELGIË

(1)  ĠU L 24, 29.1.2004, p. 1.