5.8.2009   

MT

Il-Ġurnal Uffiċjali tal-Unjoni Ewropea

C 183/32

Notifika minn qabel ta' konċentrazzjoni

(Każ COMP/M.5529 – Oracle/Sun Microsystems)

(Test b’relevanza għaż-ŻEE)

2009/C 183/11

1.

Fit-30 ta’ Lulju 2009, il-Kummissjoni rċeviet notifika ta’ proposta ta’ konċentrazzjoni skont l-Artikolu 4 tar-Regolament tal-Kunsill (KE) Nru 139/2004 (1) li biha l-impriża Oracle Corporation (“Oracle”, l-Istati Uniti tal-Amerika) takkwista, skont l-Artikolu 3(1)(b) tar-Regolament tal-Kunsill, kontroll sħiħ tal-impriża Sun Microsystems, Inc. (“Sun”, l-Istati Uniti tal-Amerika) permezz ta' xiri ta' ishma.

2.

L-attivitajiet kummerċjali tal-impriżi kkonċernati huma:

—

Għal Oracle: l-iżvilupp, il-manifattura u d-distribuzzjoni ta' software ta' intrapriża li jinkludi middleware, software ta' bażijiet ta' dejta u software ta' applikazzjonijiet ta' intrapriżi u servizzi relatati,

—

għal Oracle: infrastruttura ta' kompjuters b'bażi ta' standards, inklużi sistemi ta' kompjuters, software u ħżin għall-intrapriżi.

3.

Wara eżami preliminari, il-Kummissjoni ssib li l-operazzjoni nnotifikata tista' taqa' fl-ambitu tar-Regolament (KE) Nru 139/2004. Madanakollu, id-deċiżjoni finali dwar dan il-punt hija riżervata.

4.

Il-Kummissjoni tistieden lill-partijiet terzi interessati biex jibagħtu kwalunkwe kumment li jista’ jkollhom dwar l’operazzjoni proposta lill-Kummissjoni.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Il-kummenti jistgħu jintbagħtu lill-Kummissjoni bil-faks (+32 22964301 jew 22967244) jew bil-posta, taħt in-numru ta' referenza COMP/M.5529 – Oracle/Sun Microsystems, fl-indirizz li ġej:

Il-Kummissjoni Ewropea

Direttorat Ġenerali għall-Kompetizzjoni

Reġistru tal-Amalgamazzjonijiet

J-70

1049 Bruxelles/Brussel

BELGIQUE/BELGIË

(1)  ĠU L 24, 29.1.2004, p. 1.