28.5.2009   

MT

Il-Ġurnal Uffiċjali tal-Unjoni Ewropea

C 119/12

Notifika minn qabel ta' konċentrazzjoni

(Każ COMP/M.5541 – GE/NewsCorp/Disney/Hulu JV)

Każ li jista' jiġi kkunsidrat għal proċedura simplifikata

(Test b’relevanza għaż-ŻEE)

2009/C 119/04

1.

Fid-19 ta’ Mejju 2009, il-Kummissjoni rċeviet notifika ta' konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1) li permezz tagħha l-impriżi General Electric (“GE”, l-Istati Uniti), News Corporation (“NewsCorp”, l-Istati Uniti) kif ukoll The Walt Disney Company (“Disney”, l-Istati Uniti), jakkwistaw, skont it-tifsira tal-Artikolu 3(1)(b) tar-Regolament tal-Kunsill, il-kontroll konġunt ta’ Hulu LLC (“Hulu”, l-Istati Uniti), kupanija eżistenti kkontrollata b'mod konġunt minn GE u minn NewsCorp, permezz tax-xiri ta' ishma.

2.

L-attivitajiet kummerċjali tal-impriżi kkonċernati huma:

—

għal GE: Infrastruttura, prodotti industrijali, finanzi, kura tas-saħħa, medja u divertiment,

—

għal NewsCorp: Divertiment, televiżjoni, gazzetti, magazines, pubblikazzjoni ta' kotba,

—

għal Disney: Divertiment u medja,

—

għal Hulu: TV u divertiment b'films permezz ta' l-internet.

3.

Wara eżami preliminari, il-Kummissjoni ssib li l-operazzjoni nnotifikata tista' taqa’ fl-ambitu tar-Regolament (KE) Nru 139/2004. Madankollu, id-deċiżjoni finali dwar dan il-punt hija riżervata. Skont l-Avviż tal-Kummissjoni dwar proċedura simplifikata għat-trattament ta' ċerti konċentrazzjonijiet taħt ir-Regolament tal-Kunsill (KE) Nru 139/2004 (2) ta' min jinnota li dan il-każ jista' jiġi kkunsidrat għat-trattament taħt il-proċedura stipulata fl-Avviż.

4.

Il-Kummissjoni tistieden lill-partijiet terzi interessati biex iressqu kwalunkwe kummenti li jistgħu jkollhom dwar it-tranżizzjoni proposta.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta' din il-pubblikazzjoni. Il-kummenti jistgħu jintbagħtu lill-Kummissjoni bil-faks (+32 2 2964301 jew 2967244) jew bil-posta, taħt in-numru ta' referenza COMP/M.5541 – GE/NewsCorp/Disney/Hulu JV, fl-indirizz li ġej:

Il-Kummissjoni Ewropea

Direttorat Ġenerali għall-Kompetizzjoni

Reġistru tal-Amalgamazzjonijiet

J-70

1049 Bruxelles/Brussel

BELGIQUE/BELGIË

(1)  ĠU L 24, 29.1.2004, p. 1.

(2)  ĠU C 56, 5.3.2005, p. 32.