6.5.2009   

MT

Il-Ġurnal Uffiċjali tal-Unjoni Ewropea

C 104/10

Notifika minn qabel ta' konċentrazzjoni

(Każ COMP/M.5496 – Vattenfall/Nuon)

(Test b’relevanza għaż-ŻEE)

2009/C 104/06

1.

Fit-28 ta' April 2009 il-Kummissjoni rċeviet notifika ta' proposta għal konċentrazzjoni skont l-Artikolu 4 tar-Regolament tal-Kunsill (KE) Nru 139/2004 (1) li permezz tagħha l-impriża AB Vattenfall (“Vattenfall”, l-Iżvezja) proprjetà sħiħa tal-Istat Svediż takkwista fit-tifsira tal-Artikolu 3(1)(b) tar-Regolament tal-Kunsill il-kontroll sħiħ tal-impriża N.V. Nuon Energy (li qabel kienet n.v. Nuon PBL Holding-“Nuon Energy”, l-Olanda) li attwalment hi kontrollata mill-awtoritajiet lokali u reġjonali fl-Olanda permezz ta’ xiri ta' ishma.

2.

L-attivitajiet kummerċjali tal-impriżi kkonċernati huma:

—

għal Vattenfall: attivitajiet differenti flimkien mas-settur tal-elettriku f'ħafna pajjiżi Ewropej. Fuq skala żgħira hija attiva ukoll fis-settur tal-gass,

—

għal Nuon: attivitajiet differenti fis-settur tal-energija, inklużi l-produzzjoni u provvista tal-elettriku, tal-gass, ta' tisħin u tkessiħ primarjament fl-Olanda imma ukoll fil-Belġju u f'miżura żgħira fil-Ġermanja ukoll.

3.

Wara eżaminazzjoni preliminari, il-Kummissjoni ssib li t-tranżazzjoni nnotifikata tista′ taqa′ fl-ambitu tar-Regolament (KE) Nru 139/2004. Madankollu, id-deċiżjoni finali dwar dan il-punt hija riżervata

4.

Il-Kummissjoni tistieden lill-partijiet terzi interessati biex jippreżentaw il-kummenti li jista’ jkollhom dwar l-operazzjoni proposta lill-Kummissjoni.

Il-kummenti għandhom jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Il-kummenti jistgħu jintbagħtu lill-Kummissjoni bil-faks (+32 2 2964301 jew 2967244) jew bil-posta, bin-numru ta' referenza COMP/M.5496 – Vattenfall/Nuon, fl-indirizz li ġej:

Il-Kummissjoni Ewropea

Direttorat-Ġenerali għall-Kompetizzjoni

Reġistru tal-Amalgamazzjonijiet

J-70

1049 Bruxelles/Brussel

BELGIQUE/BELGIË

(1)  ĠU L 24, 29.1.2004, p. 1.