6.5.2009   

MT

Il-Ġurnal Uffiċjali tal-Unjoni Ewropea

C 104/9

Notifika minn qabel ta' konċentrazzjoni

(Każ COMP/M.5507 – Q-Cells/Good Energies/Norsun/Sunfilm)

Każ li jista’ jiġi kkunsidrat għal proċedura ssimplifikata

(Test b’relevanza għaż-ŻEE)

2009/C 104/05

1.

Fis-27 ta' April 2009, il-Kummissjoni rċeviet notifika ta' konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1) li permezz tagħha l-impriżi Q-Cells SE (“Q-Cells”, il-Ġermanja), Good Energies Investments 2 B.V. (“Good Energies”, l-Olanda, ikkontrollata minn COFRA Holding AG, “COFRA”, l-Iżvizzera) u NorSun AS (“NorSun”, in-Norveġja) akkwistaw fi ħdan it-tifsira tal-Artikolu 3(1)(b) tar-Regolament tal-Kunsill il-kontroll konġunt ta' Sunfilm AG (“Sunfilm”, il-Ġermanja) permezz tax-xiri ta' ishma u assi.

2.

L-attivitajiet kummerċjali tal-impriżi kkonċernati huma:

—

Q-Cells: Il-produzzjoni u l-bejgħ ta' ċelloli solari, moduli solari u sistemi tal-enerġija solari kompluti

—

Good Energies: Investimenti f'kumpaniji tal-enerġija li tiġġedded, b'mod partikolari fis-setturi fotovoltajċi u tal-enerġija mir-riħ

—

NorSun: Il-produzzjoni u l-bejgħ ta' wafers tas-silikone mono-kristalliċi, li jintużaw fil-produzzjoni ta' ċelloli u moduli solari.

—

Sunfilm: Il-produzzjoni u l-bejgħ ta' moduli solari bbażati fuq teknoloġija tandem junction li tuża film tas-silikone irqiq fuq ħġieġa.

3.

Wara eżaminazzjoni preliminari, il-Kummissjoni ssib li t-tranżazzjoni nnotifikata tista' taqa' fl-ambitu tar-Regolament (KE) Nru 139/2004. Madankollu, id-deċiżjoni finali dwar dan il-punt hija riżervata. Skont l-Avviż tal-Kummissjoni dwar proċedura ssimplifikata għat-trattament ta' ċerti konċentrazzjonijiet taħt ir-Regolament tal-Kunsill (KE) Nru 139/2004 (2) ta' min jinnota li dan il-każ jista' jiġi kkunsidrat għat-trattament taħt il-proċedura stipulata fl-Avviż.

4.

Il-Kummissjoni tistieden lill-partijiet terzi interessati biex jissottomettu l-kummenti li jista’ jkollhom dwar l-operazzjoni proposta lill-Kummissjoni.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta' din il-pubblikazzjoni. Il-kummenti jistgħu jintbagħtu lill-Kummissjoni bil-faks (+32 2 2964301 jew 2967244) jew bil-posta, taħt in-numru ta' referenza COMP/M.5507 – Q-Cells/Good Energies/Norsun/Sunfilm, fl-indirizz li ġej:

Il-Kummissjoni Ewropea

Direttorat Ġenerali għall-Kompetizzjoni

Reġistru tal-Amalgamazzjonijiet

J-70

1049 Bruxelles/Brussel

BELGIQUE/BELGIË

(1)  ĠU L 24, 29.1.2004, p. 1.

(2)  ĠU C 56, 5.3.2005, p. 32.