3.2.2009   

MT

Il-Ġurnal Uffiċjali tal-Unjoni Ewropea

C 26/17

Notifika minn qabel ta' konċentrazzjoni

(Każ COMP/M.5452 — Daimler/Evonik/Li-Tec)

Każ li jista' jiġi kkunsidrat għal proċedura ssimplifikata

(Test b'rilevanza għaż-ŻEE)

(2009/C 26/10)

1.

Fit-22 ta' Jannar 2009, il-Kummissjoni rċeviet notifika ta' konċentrazzjoni proposta skond l-Artikolu 4 tar-Regolament tal-Kunsill (KE) Nru 139/2004 (1) li biha l-impriża Daimler AG (“Daimler”, il-Ġermanja) takkwista fi ħdan it-tifsira tal-Artikolu 3(1)(b) tar-Regolament tal-Kunsill, il-kontroll konġunt tal-impriża Li-Tec Vermögensverwaltungs-GmbH (“Li-Tec”, il-Germanja) li bħalissa hija kkontrollata mill-impriża Evonik Industries AG (“Evonik”, il-Germanja), permezz ta' xiri ta' ishma.

2.

L-attivitajiet kummerċjali tal-impriżi kkonċernati huma:

—

Daimler: l-iżvilupp u l-produzzjoni tal-karozzi u l-vetturi kummerċjali u s-servizzi finanzjarji,

—

Evonik: attiva fl-industrija tal-kimika, fl-enerġija u fis-settur tal-proprjetà immobbli,

—

Li-Tec: Ir-riċerka, l-iżvilupp u l-produzzjoni ta' ċelluli tal-batteriji Lithium-ion għal applikazzjonijiet awtomotivi u mhux awtomotivi u sistemi għall-ġestjoni tal-batteriji.

3.

Wara eżami preliminari, il-Kummissjoni ssib li l-operazzjoni nnotifikata tista' taqa' fl-ambitu tar-Regolament (KE) Nru 139/2004. Madankollu, id-deċiżjoni finali dwar dan il-punt hija rriżervata. Skont l-Avviż tal-Kummissjoni dwar proċedura ssimplifikata għat-trattament ta' ċerti konċentrazzjonijiet taħt ir-Regolament tal-Kunsill (KE) Nru 139/2004 (2) ta' min jinnota li dan il-każ jista' jiġi kkunsidrat għat-trattament taħt il-proċedura stipulata fin-Notifika.

4.

Il-Kummissjoni tistieden lill-partijiet terzi interessati biex iressqu kwalunkwe kummenti li jistgħu jkollhom dwar it-tranżizzjoni proposta.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta' din il-pubblikazzjoni. Il-kummenti jistgħu jintbagħtu lill-Kummissjoni bil-faks (numru tal-faks (32-2) 296 43 01 jew 296 72 44) jew inkella bil-posta, bin-numru ta' referenza COMP/M.5452 — Daimler/Evonik/Li-Tec, f'dan l-indirizz:

Il-Kummissjoni Ewropea

Direttorat Ġenerali għall-Kompetizzjoni

Reġistru tal-Amalgamazzjonijiet

J-70

B-1049 Bruxelles/Brussell

(1)  ĠU L 24, 29.1.2004, p. 1.

(2)  ĠU C 56, 5.3.2005, p. 32.