15.1.2009   

MT

Il-Ġurnal Uffiċjali tal-Unjoni Ewropea

C 10/21

Notifika minn qabel ta' konċentrazzjoni

(Każ COMP/M.5418 — Blackfriars/Vink Holding)

Każ li jista' jiġi kkunsidrat għal proċedura ssimplifikata

(Test b'rilevanza għaż-ŻEE)

(2009/C 10/09)

1.

Fil-5 ta' Jannar 2009, il-Kummissjoni rċeviet notifika ta' proposta ta' konċentrazzjoni skond l-Artikolu 4 tar-Regolament tal-Kunsill Nru 139/2004 (1), li biha Blackfriars Corporation (“Blackfriars”, ir-Renju Unit, li hija parti mill-Grupp Blackfriars, l-Istati Uniti tal-Amerika), takkwista fi ħdan it-tifsira tal-Artikolu 3(1)(b) tar-Regolament tal-Kunsill, il-kontroll sħiħ tal-impriżi Vink Holding B.V. (l-Olanda) Vink Nordic Holding AS (id-Danimarka) u Vink Kunststoffe GmbH (il-Ġermanja), ilkoll flimkien “Vink Holding”, permezz ta' xiri ta' ishma.

2.

L-attivitajiet kummerċjali tal-impriżi kkonċernati huma:

—

għal Blackfriars: il-bejgħ bl-ingrossa u d-distribuzzjoni ta' prodotti tal-elettriku u tal-plastik għas-setturi industrijali, kif ukoll għal dawk tal-bini u li jipproduċu t-tabelli, fl-Istati Uniti u fir-Renju Unit,

—

għal Vink Holding: il-bejgħ bl-ingrossa u d-distribuzzjoni ta' prodotti tal-elettriku u tal-plastik għas-setturi industijali, kif ukoll għal dawk tal-bini u li jipproduċu t-tabelli, f'diversi pajjiżi tal-kontinent prinċipali tal-Ewropa.

3.

Wara eżami preliminari, il-Kummissjoni ssib li l-operazzjoni nnotifikata tista' taqa' fl-ambitu tar-Regolament (KE) Nru 139/2004. Madankollu, id-deċiżjoni finali dwar dan il-punt hija rriżervata. Skond l-Avviż tal-Kummissjoni dwar proċedura ssimplifikata għat-trattament ta' ċerti konċentrazzjonijiet taħt ir-Regolament tal-Kunsill (KE) Nru 139/2004 (2) ta' min jinnota li dan il-każ jista' jiġi kkunsidrat għat-trattament taħt il-proċedura stipulata fl-Avviż.

4.

Il-Kummissjoni tistieden lill-partijiet terzi interessati biex iressqu kwalunkwe kummenti li jistgħu jkollhom dwar it-tranżizzjoni proposta.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta' din il-pubblikazzjoni. Il-kummenti jistgħu jintbagħtu lill-Kummissjoni bil-faks (faks nru (32-2) 296 43 01 jew 296 72 44) jew bil-posta, taħt in-numru ta' referenza COMP/M.5418 — Blackfriars/Vink Holding, fl-indirizz li ġej:

Il-Kummissjoni Ewropea

Direttorat Ġenerali għall-Kompetizzjoni

Reġistru tal-Amalgamazzjonijiet

J-70

B-1049 Bruxelles/Brussell

(1)  ĠU L 24, 29.1.2004, p. 1.

(2)  ĠU C 56, 5.3.2005, p. 32.