18.11.2008   

MT

Il-Ġurnal Uffiċjali ta’ l-Unjoni Ewropea

C 294/12

Avviż minn qabel ta' konċentrazzjoni

(Każ COMP/M.5357 — GKN/Airbus Filton Wing Component Operation)

Każ li jista' jiġi kkunsidrat għal proċedura simplifikata

(Test b'rilevanza għaż-ŻEE)

(2008/C 294/07)

1.

Fis-7 ta' Novembru 2008, il-Kummissjoni rċeviet notifika ta' konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1) li permezz tagħha l-impriża GKN plc (“GKN”, ir-Renju Unit), permezz tas-sussidjarja proprjetà kollha tagħha l-GKN Aerospace Services Limited takkwista skont it-tifsira tal-Artikolu 3(1)(b) tar-Regolament tal-Kunsill il-kontroll ta' partijiet tal-operazzjonijiet tal-Airbus Filton (“in-Negozju Akkwistat”, ir-Renju Unit) li s-sidien attwali tagħha huma l-Airbus UK Limited u l-Airbus SAS, permezz tax-xiri ta' assi.

2.

L-attivitajiet tan-negozju tal-impriżi kkonċernati huma:

—

għal GKN: inġinerija, manifattura u fornitura ta' komponenti għall-industriji tal-vetturi, tal-vetturi li ma jintużawx fit-toroq prinċipali u tal- ajruspazju,

—

għan-Negozju Akkwistat: operazzjonijiet ta' manifattura interna għall-ajrustruttura u ta' assemblaġġ (manifattura ta' partijiet u subassemblaġġ tal-ġwienaħ għall-programmi attwali għall-inġenji tal-ajru tal-Airbus).

3.

Wara eżami preliminari, il-Kummissjoni ssib li l-operazzjoni notifikata tista' taqa' fl-ambitu tar-Regolament (KE) Nru 139/2004. Madankollu, id-deċiżjoni finali dwar dan il-punt hija rriżervata. Skont l-Avviż tal-Kummissjoni dwar proċedura simplifikata għat-trattament ta' ċerti konċentrazzjonijiet taħt ir-Regolament tal-Kunsill (KE) Nru 139/2004 (2) ta' min jinnota li dan il-każ jista' jiġi kkunsidrat għat-trattament taħt il-proċedura stipulata fl-Avviż.

4.

Il-Kummissjoni tistieden lill-partijiet terzi interessati biex jissottomettu lill-Kummissjoni l-kummenti li jista' jkollhom dwar l-operazzjoni proposta.

Il-kummenti għandhom jaslu għand il-Kummissjoni mhux aktar tard minn għaxart ijiem wara d-data ta' din il-pubblikazzjoni. Il-kummenti jistgħu jintbagħtu lill-Kummissjoni bil-faks (nru tal-faks (32-2) 296 43 01 jew 296 72 44) jew bil-posta, taħt in-numru ta' referenza COMP/M.5357 — GKN/Airbus Filton Wing Component Operation, fl-indirizz li ġej:

Il-Kummissjoni Ewropea

Direttorat Ġenerali għall-Kompetizzjoni

Reġistru tal-Amalgamazzjonijiet

J-70

B-1049 Brussel

(1)  ĠU L 24, 29.1.2004, p. 1.

(2)  ĠU C 56, 5.3.2005, p. 32.