31.7.2008   

MT

Il-Ġurnal Uffiċjali ta’ l-Unjoni Ewropea

C 194/18

Notifika minn qabel ta' konċentrazzjoni

(Każ COMP/M.5249 — Edison/Hellenic Petroleum/JV)

(Test b'rilevanza għaż-ŻEE)

(2008/C 194/10)

1.

Fit-22 ta' Lulju 2008 il-Kummissjoni rċeviet notifika ta' proposta ta' konċentrazzjoni skond l-Artikolu 4 tar-Regolament tal-Kunsill (KE) Nru 139/2004 (1) li biha l-impriżi Edison S.p.A (“Edison”, l-Italja) u Hellenic Petroleum (“HelPe”, il-Greċja) jakkwistaw fit-tifsira ta' l-Artikolu 3(1)(b) tar-Regolament tal-Kunsill kontroll sħiħ ta' impriża konġunta maħluqa dan l-aħħar permezz ta' xiri ta' ishma għall-ġenerazzjoni ta' l-elettriku fil-Greċja.

2.

L-attivitajiet ta' negozju ta' l-impriżi kkonċernati huma:

—

għal Edison: il-ġenerazzjoni u l-forniment ta' l-elettriku u l-produzzjoni, it-trasport u d-distribuzzjoni tal-gass naturali,

—

għal HelPe: ir-raffinar taż-żejt u attivitajet ta' forniment, bejgħ bl-ingrossa u bl-imnut ta' karburant ta' prodotti taż-żejt, il-produzzjoni u l-kummerċjaliżżazzjoni ta' petrokimiċi u kimiċi, l-esporazzjoni u l-produzzjoni taż-żejt u l-gass, is-servizzi ta' konsulenza u inġinerija għal proġetti relatati ma' l-idrokarburi, it-trasport taż-żejt mhux raffinat u prodotti tiegħu u l-produzzjoni u l-kummerċjaliżżazzjoni ta' l-elettriku.

3.

Wara eżami preliminari, il-Kummissjoni ssib li t-tranżazzjoni notifikata tista' taqa' taħt ir-Regolament (KE) Nru 139/2004. Madankollu, id-deċiżjoni aħħarija dwar dan il-punt hija riżervata.

4.

Il-Kummissjoni tistieden lill-partijiet terzi interessati biex jissottomettu lill-Kummissjoni l-kummenti li jista' jkollhom dwar din l-operazzjoni proposta.

Il-kummenti għandhom jaslu għand il-Kummissjoni mhux aktar tard minn għaxart ijiem wara d-data ta' din il-pubblikazzjoni. Il-kummenti jistgħu jintbagħtu lill-Kummissjoni bil-faks (numru tal-faks (32-2) 296 43 01 jew 296 72 44) jew bil-posta, taħt in-numru ta' referenza COMP/M.5249 — Edison/Hellenic Petroleum/JV, fl-indirizz li ġej:

Kummissjoni Ewropea

Id-Direttorat Ġenerali għall-Kompetizzjoni

Reġistru ta' l-Amalgamazzjonijiet

J-70

B-1049 Bruxelles/Brussel

(1)  ĠU L 24, 29.1.2004, p. 1.