|
5.12.2007 |
MT |
Il-Ġurnal Uffiċjali ta’ l-Unjoni Ewropea |
C 291/12 |
SEJĦA GĦALL-PROPOSTI — EACEA/34/07
Għall-implimentazzjoni tat-Tieqa ta' Kooperazzjoni Esterna ta' l-Erasmus Mundus għas-sena akkademika 2008/2009
Programm ta' Azzjoni tal-Komunità għall-promozzjoni tal-kooperazjoni bejn istituzzjonijiet ta' edukazzjoni ogħla u għall-iskambju ta' l-istudenti, riċerkaturi u personal akkademiku mill-Istati Membri ta' l-UE u Pajjiżi Terzi
(2007/C 291/06)
Jekk jogħġbok innota li l-implimentazzjoni tas-sejħa għall-proposti hija soġġetta għall-:
|
i) |
adozzjoni ta' l-approprijazzjonijiet tal-baġit tal-Komunità għall-2008 relevanti għal din l-azzjoni u |
|
ii) |
approvazzjoni formali tad-dokumenti ta' programmar għall-azzjonijiet relevanti u għad-deċiżjonijiet relevanti ta' l-iffinanzjar. |
1. Għanijiet u Deskrizzjoni
It-Tieqa ta' Kooperazzjoni Esterna ta' l-Erasmus Mundus timmira lejn it-tisħiħ reċiproku u l-ftehim aħjar bejn l-Unjoni Ewropea u Pajjiżi Terzi. Hija mfassla sabiex tħaddan il-kooperazzjoni istituzzjonali fil-qasam ta' l-edukazzjoni ogħla bejn l-Unjoni Ewropea u Pajjiżi-Terzi permezz ta' skema ta' mobilità li tindirizza l-iskambji ta' l-istudenti u tal-personal akkademiku għall-istudju, tagħlim, taħriġ u riċerka.
L-attivitajiet u l-ispejjeż li ġejjin sejrin jiġu koperti mill-programm:
It-twaqqif ta' sħubiji bbażati fuq l-istituzzjonijiet ta' istituzzjonijiet ta' edukazzjoni ogħla Ewropej u ta' Pajjiżi Terzi sabiex ikopru ż-żewġ tipi ta' attivitajiet:
|
— |
l-organizzazzjoni tal-mobilità individwali ta' l-istudenti ta' edukazzjoni ogħla, riċerkaturi u personal akkademiku, |
|
— |
l-implimentazzjoni tal-mobilità individwali. It-tipi ta' mobilità u edukazzjoni li sejrin jiġu ffinanzjati f'din is-sejħa huma:
|
2. Applikanti u benefiċjarji eliġibbli
L-applikanti għandhom ikunu Universitajiet jew Istituzzjonijiet Ewropej t'Edukazzjoni Ogħla li jirrappreżentaw sħubija ta' mhux aktar minn 20 istituzzjonijiet imsieħba.
Is-sħubija għandha tkun magħmula minn Istituzzjonijiet Ewropej t'Edukazzjoni Ogħla, li qabel id-data tal-pubblikazzjoni tas-Sejħa preżenti jkollhom Karta ta' l-Erasmus, u Istituzzjonijiet ta' Edukazzjoni Ogħla ta' Pajjiżi Terzi li huma rikonoxxuti u akkreditati mill-awtoritajiet nazzjonali.
3. Pajjiż Eliġibbli
L-attivitajiet għandhom isiru f'wieħed mill-pajjiżi eliġibbli koperti minn din is-Sejħa. Hemm tliet gruppi ta' pajjiżi/reġjunijiet eliġibbli:
|
— |
Is-27 Stat Membru ta' l-Unjoni Ewropea, |
|
— |
il-pajjiżi kandidati Ewropej (il-Kroazja u t-Turkija) u l-pajjiżi taż-ŻEE (l-Iżlanda, Liechtenstein u n-Norveġja), |
|
— |
il-pajjiżi Terzi u r-reġjunijiet ġeografiċi li ġejjin: Il-Brazil, iċ-Ċile, il-Messiku, ir-Russja, l-Indja, iż-żona tal-viċinanza tan-Nofsinhar u tal-Lvant, ir-reġjun tal-Lvant Nofsani, ir-Repubbliki ta' l-Asja Ċentrali, il-Grupp ta' Stati ta' l-Afrika, tal-Karibew u tal-Paċifiku, ir-reġjun tal-Balkani tal-punent u r-reġjun ta' l-Asja. |
4. Il-baġit disponibbli
L-ammont indikattiv ġenerali li huwa disponibbli taħt din is-sejħa għall-proposti huwa ta' 100,348 miljun EUR għar-reġjunijiet ġeografiċi u l-pajjiżi li ġejjin:
|
Twieqi Ġeografiċi |
Ammont Globali Indikattiv |
|
In-Nofsinhar tal-Mediterran, il-Lvant ta' l-Ewropa u r-Russja |
33,528 miljun EUR |
|
Il-Jemen, l-Iran, l-Iraq |
3 miljun EUR |
|
Ir-Repubbliki ta' l-Asja Ċentrali |
5 miljun EUR |
|
L-Istati Afrikani, tal-Karibew u tal-Paċifiku |
5 miljun EUR |
|
Il-Balkani tal-Punent |
6 miljun EUR |
|
Ir-Reġjun ta' l-Asja |
20 miljun EUR |
|
L-Indja |
9,6 miljun EUR |
|
Il-Brażil |
9,3 miljun EUR |
|
Iċ-Ċile |
4,92 miljun EUR |
|
Il-Messiku |
4 miljun EUR |
5. Skadenzi
L-applikazzjonijiet m'għandhomx jintbagħtu aktar tard mill-
|
— |
15 ta' Frar 2008 |
6. Aktar informazzjoni
It-test sħiħ tas-sejħa għall-proposti u l-formoli ta' l-applikazzjoni huma disponibbli fil-websajt li ġejja:
http://eacea.ec.europa.eu/extcoop/call/index.htm
L-applikazzjonijiet għandhom jikkonformaw mar-rekwiżiti stabbiliti fit-test sħiħ u għandhom jiġu sottomessi permezz tal-formola pprovduta.