20.10.2007   

MT

Il-Ġurnal Uffiċjali ta’ l-Unjoni Ewropea

C 246/43

Notifika minn qabel ta' konċentrazzjoni

(Każ COMP/M.4933 — Emerson Electric Co./Motorola ECC)

(Test b'rilevanza għaż-ŻEE)

(2007/C 246/12)

1.

Fit- 12 ta' Ottubru 2007, il-Kummissjoni rċeviet notifika ta' konċentrazzjoni proposta skond l-Artikolu 4 tar-Regolament tal-Kunsill (KE) Nru 139/2004 (1) li permezz tagħha l-impriża Emerson Electric Co. (Emerson, l-Istati uniti ta' l-Amerika), fl-ambitu tat-tifsira ta' l-Artikolu 3(1)(b) tar-Regolament tal-Kunsill, takkwista l-kontroll sħiħ ta' Motorola ECC, id divizjoni tal-kompjuters ta' Motorola Inc. (Motorola ECC, l-Istati uniti ta' l-Amerika) permezz tax-xiri ta' ishma.

2.

L-attivitajiet kummerċjali ta' l-impriżi kkonċernati huma:

—

għal Emerson: Disinn u forniment ta' teknologija u servizzi ta' inġinerija, inkluż il-forniment ta' applikażjonijiet tal-kompjuters,

—

għal Motorola ECC: Disinn u forniment ta' kompjuters speċjalizzati li huma mibnija bħala parti integrali minn apparat kbir u kumpless u jikkontrollawh (applikazzjonijiet tal-kompjuter embedded).

3.

Wara eżami preliminari, il-Kummissjoni jidhrilha li t-tranżazzjoni notifikata tista' taqa' fl-ambitu tar-Regolament (KE) Nru 139/2004. Madankollu, id-deċiżjoni finali dwar dan il-punt hija riżervata.

4.

Il-Kummissjoni tistieden lill-partijiet terzi interessati sabiex iressqu l-kummenti li jista' jkollhom dwar l-operazzjoni proposta lill-Kummissjoni.

Il-kummenti għandhom jaslu għand il-Kummissjoni mhux aktar tard minn għaxart ijiem wara d-data ta' din il-pubblikazzjoni. L-osservazzjonijiet jistgħu jintbagħtu lill-Kummissjoni bil-fax (numru tal-fax (32-2) 296 43 01 jew 296 72 44) jew inkella bil-posta, bin-numru ta' referenza COMP/M.4933 — Emerson Electric Co./Motorola ECC, f'dan l-indirizz:

Il-Kummissjoni Ewropea

Direttorat-Ġenerali għall-Kompetizzjoni,

Reġistru ta' l-Amalgamazzjonijiet

J-70

B-1049 Bruxelles/Brussel

(1)  ĠU L 24, 29.1.2004 p. 1