20.10.2007   

MT

Il-Ġurnal Uffiċjali ta’ l-Unjoni Ewropea

C 246/42

Notifika minn qabel ta' konċentrazzjoni

(Każ COMP/M.4929 — Fiat/Ergom)

(Test b'rilevanza għaż-ŻEE)

(2007/C 246/10)

1.

Fil-15 ta' Ottubru 2007, il-Kummissjoni rċeviet notifika ta' konċentrazzjoni proposta skond l-Artikolu 4 tar-Regolament tal-Kunsill (KE) Nru 139/2004 (1) li permezz tagħha l-impriża Fiat Group Automobiles SpA (“Fiat”, l-Italja) takkwista, fi ħdan it-tifsira ta' l-Artikolu 3(1)(b) tar-Regolament tal-Kunsill il-kontroll uniku ta' l-impriża Ergom Holding SpA (“Ergom”, l-Italja), permezz tax-xiri ta' ishma..

2.

L-attivitajiet kummerċjali ta' l-impriżi kkonċernati huma:

—

għal Fiat: il-manifattura u l-bejgħ ta' karozzi, vetturi kummerċjali, makkinarju agrikolu, tagħmir ta' kostruzzjoni, komponenti awtomotivi u prodotti metallurġiċi,

—

għal Ergom: il manifattura u l-bejgħ tà komponenti tal-plastik għall-industrija awtomotiva (bumpers, panels għall-istrumenti u sistemi tal-karburanti); servizzi tà transport bl-ajru u turistiċi.

3.

Wara eżami preliminari, il-Kummissjoni jidhrilha li t-tranżazzjoni notifikata tista' taqa' fl-ambitu tar-Regolament (KE) Nru 139/2004. Madankollu, id-deċiżjoni finali dwar dan il-punt hija riżervata.

4.

Il-Kummissjoni tistieden lill-partijiet terzi interessati sabiex iressqu l-kummenti li jista' jkollhom dwar l-operazzjoni proposta lill-Kummissjoni.

Il-kummenti għandhom jaslu għand il-Kummissjoni mhux aktar tard minn għaxart ijiem wara d-data ta' din il-pubblikazzjoni. Il-kummenti jistgħu jintbagħtu lill-Kummissjoni bil-fax (fax nru. (32-2) 296 43 01 jew 296 72 44) jew bil-posta, taħt in-numru ta' referenza COMP/M.4929 — Fiat/Ergom, fl-indirizz li ġej:

Il-Kummissjoni Ewropea

Direttorat-Ġenerali għall-Kompetizzjoni,

Reġistru ta' l-Amalgamazzjonijiet

J-70

B-1049 Bruxelles/Brussel

(1)  ĠU L 24, 29.1.2004 p. 1