Digriet tal-Qorti Ġenerali (Il-Ħames Awla) tal-11 ta’ Frar 2025 – BT vs Il-Kummissjoni

(Kawża T-162/24)

“Servizz pubbliku – Uffiċjali – Konjuġi superstiti – Responsabbiltà – Danni materjali u morali – Awtorità ta’ res judicata – Inammissibbiltà parzjali – Artikolu 41 tal-Karta tad-Drittijiet Fundamentali – Ugwaljanza fit-trattament – Rikors parzjalment manifestament infondat fid-dritt”

1.	Proċedura ġudizzjarja – Awtorità ta’ res judicata – Portata – Inammissibbiltà tat-tieni rikors – Kundizzjonijiet – Identiċità tal-partijiet, tas-suġġett u tal-kawża taż-żewġ rikorsi (ara l-punti 32, 34, 36, 41 sa 50)

2.	Proċedura ġudizzjarja – Rikors promotur – Rekwiżiti formali – Identifikazzjoni tal-konvenut – Indikazzjoni żbaljata bħala konvenut ta’ persuna għajr l-awtur tal-att ikkontestat – Inammissibbiltà (Regoli tal-Proċedura tal-Qorti Ġenerali, Artikolu 76(c)) (ara l-punti 54 sa 57)

3.	Uffiċjali – Sigurtà soċjali – Għotjiet, self jew ħlasijiet bil-quddiem – Talba għal għotja – Setgħa ta' evalwazzjoni tal-amministrazzjoni – Portata – Awtonomija tal-istituzzjonijiet (Trattat ta’ Amsterdam, Artikolu 9(3); Regolamenti tal-Persunal, Artikolu 76) (ara l-punt 67)

Dispożittiv

1)	Ir-rikors huwa miċħud bħala parzjalment inammissibbli u bħala parzjalment manifestament infondat fid-dritt.

2)	Ma hemmx iktar lok li tingħata deċiżjoni dwar it-talba għal intervent tal-Association internationale des anciens de l’Union européenne (AIACE).

3)	BT hija kkundannata għall-ispejjeż.