25.9.2023 |
MT |
Il-Ġurnal Uffiċjali tal-Unjoni Ewropea |
C 338/40 |
Rikors ippreżentat fil-31 ta’ Lulju 2023 – BHW Bausparkasse vs SRB
(Kawża T-488/23)
(2023/C 338/52)
Lingwa tal-kawża: il-Ġermaniż
Partijiet
Rikorrent: BHW Bausparkasse AG (Hameln, il-Ġermanja) (rappreżentanti: H. Berger, M. Weber u D. Schoo, avukati)
Konvenut: Il-Bord Uniku ta’ Riżoluzzjoni
Talbiet
Ir-rikorrenti titlob li l-Qorti Ġenerali jogħġobha:
— |
tannulla d-deċiżjoni tal-Bord Uniku ta’ Riżoluzzjoni tat-2 ta’ Mejju 2023 dwar il-kalkolu tal-kontribuzzjonijiet ex ante għall-Fond Uniku ta’ Riżoluzzjoni għall-2023 (SRB/ES/2023/23), inklużi l-annessi, sa fejn id-deċiżjoni kkontestata, inklużi l-Anness I, l-Anness II u l-Anness III, tikkonċerna l-kontribuzzjoni tar-rikorrenti, u |
— |
tikkundanna lis-SRB għall-ispejjeż tal-kawża. |
Sussidjarjament, jekk il-Qorti Ġenerali tikkunsidra li d-deċiżjoni kkontestata ma teżistix legalment minħabba li s-SRB uża lingwa uffiċjali żbaljata u li r-rikors għal annullament ikun għalhekk inammissibbli minħabba nuqqas ta’ suġġett, ir-rikorrenti titlob li l-Qorti Ġenerali jogħġobha:
— |
tiddikjara li d-deċiżjoni kkontestata ma teżistix legalment; |
— |
tikkundanna lis-SRB għall-ispejjeż tal-kawża. |
Motivi u argumenti prinċipali
Ir-rikors huwa bbażat fuq seba’ motivi, identiċi għal dawk invokati fil-Kawża T-483/23, Deutsche Kreditbank vs SRB.