—

tannulla d-Deċiżjoni tal-Kummissjoni C(2022) 7665 final tal-31 ta’ Ottubru 2022 fil-Każ SA.34914 (2013/C) – Reġim ta’ Taxxa fuq l-Introjtu Korporattiv ta’ Ġibiltà (iktar ’il quddiem id-“Deċiżjoni kkontestata); (1) u

—

tikkundanna lill-konvenuta għall-ispejjeż tar-rikorrenti.

1.

L-ewwel motiv ibbażat fuq l-allegazzjoni ta’ nuqqas ta’ kompetenza, peress li l-Kummissjoni ma għandiex kompetenza skont l-Artikolu 92(3) tal-ftehim dwar il-ħruġ tar-Renju Unit mill-Unjoni Ewropea, peress li l-fajl tal-Każ SA.34914 u l-proċeduri kollha assoċjati miegħu ngħalqu u ntemmu permezz tal-adozzjoni tad-Deċiżjoni finali (EU) 2019/700 tad-19 ta’ Diċembru 2018 (2); u ma ġie allokat ebda numru ta’ każ ġdid lill-investigazzjoni tal-Kummissjoni dwar MJN Holdings (Gibraltar) Limited la qabel tmiem il-perijodu ta’ tranżizzjoni fil-31 ta’ Diċembru 2020, u lanqas wara.

2.

It-tieni motiv ibbażat fuq l-allegazzjoni ta’ ksur ta’ rekwiżiti formali essenzjali, sa fejn il-Kummissjoni kisret l-Artikolu 6(1) tar-Regolament Proċedurali (EU) 2015/1589 (3), li jimponi fuq il-Kummissjoni l-obbligu li, f’deċiżjoni li tiftaħ investigazzjoni formali, tiġbor fil-qosor il-kwistjonijiet kollha rrilevanti ta’ fatt u ta’ liġi li huma għad-dispożizzjoni tagħha, billi naqset milli tinkludi informazzjoni rrilevanti li r-rikorrenti kienu preċedentement ippreżentaw, u li kienet fil-pussess tal-Kummissjoni, fir-rigward tan-nuqqas tat-tkomplija tad-deċiżjoni tat-taxxa 2012 MJN GibCo lil hinn mill-1 ta’ Jannar 2014 u fir-rigward tan-nuqqas ta’ taxxabbiltà tal-introjtu mir-royalties skont applikazzjoni korretta tal-liġi ta’ Ġibiltà. Iktar minn hekk, qabel ma adottat id-deċiżjoni bbażata fuq l-Artikolu 6(1)(id-Deċiżjoni kkontestata), il-Kummissjoni, fil-kuntest tal-eżami preliminari tagħha u f’konformità mal-prinċipju ta’ amministrazzjoni tajba, kellha, f’kull każ, tiddiskuti mar-Renju Unit dwar l-informazzjoni pprovduta mir-rikorrenti.

3.

It-tielet motiv ibbażat fuq l-allegazzjoni ta’ ksur ta’ regola tad-dritt dwar l-applikazzjoni tal-Artikolu 107 u 108 TFEU, sa fejn id-Deċiżjoni kkontestata ġiet adottata wara terminu kompletament mhux raġonevoli, bi ksur tal-prinċipju ta’ amministrazzjoni tajba.