Sentenza tal-Qorti tal-Ġustizzja (L-Għaxar Awla) tat‑8 ta’ Mejju 2025 – Il‑Kummissjoni vs Il-Portugall

(Direttiva dwar id-drittijiet tal-awtur fis-suq uniku diġitali)

(Kawża C‑211/23)

“Nuqqas ta’ Stat li jwettaq obbligu – Artikolu 258 TFUE – Suq uniku diġitali – Drittijiet tal-awtur u drittijiet relatati – Direttiva (UE) 2019/790 – Assenza ta’ traspożizzjoni u ta’ komunikazzjoni ta’ miżuri ta’ traspożizzjoni – Artikolu 260(3) TFUE – Sanzjonijiet pekunjarji – Kundanna għall-ħlas ta’ somma f’daqqa u ta’ pagament ta’ penalità – Rinunzja parzjali”

1. 

Rikors għal nuqqas ta’ twettiq ta’ obbligu – Sentenza tal-Qorti tal-Ġustizzja li tikkonstata n-nuqqas ta’ twettiq ta’ obbligu – Nuqqas ta’ twettiq tal-obbligu ta’ komunikazzjoni tal-miżuri ta’ traspożizzjoni ta’ direttiva – Sanzjonijiet pekunjarji – Somma f’daqqa – Skop

(Artikolu 260(3) TFUE; Direttiva tal-Parlament Ewropew u tal-Kunsill 2019/790)

(ara l-punti 57 sa 60, 62, 63)

2. 

Rikors għal nuqqas ta’ twettiq ta’ obbligu – Sentenza tal-Qorti tal-Ġustizzja li tikkonstata n-nuqqas ta’ twettiq ta’ obbligu – Nuqqas ta’ twettiq tal-obbligu ta’ komunikazzjoni tal-miżuri ta’ traspożizzjoni ta’ direttiva – Sanzjonijiet pekunjarji – Somma f’daqqa – Determinazzjoni tal-ammont – Kriterji

(Artikolu 260(3) TFUE; Direttiva tal-Parlament Ewropew u tal-Kunsill 2019/790)

(ara l-punti 73 sa 76, 87)

Dispożittiv

1) 

Peress li ma adottatx il-liġijiet, ir-regolamenti u d-dispożizzjonijiet amministrattivi neċessarji sabiex tikkonforma ruħha mad-Direttiva (UE) 2019/790 tal-Parlament Ewropew u tal-Kunsill tas‑17 ta’ April 2019 dwar id-drittijiet tal-awtur u drittijiet relatati fis-Suq Uniku Diġitali u li temenda d-Direttivi 96/9/KE u 2001/29/KE, u billi ma kkomunikatx l-imsemmija liġijiet, regolamenti u dispożizzjonijiet amministrattivi lill-Kummissjoni, ir-Repubblika Portugiża naqset milli twettaq l-obbligi tagħha taħt l-Artikolu 29 ta’ din id-direttiva.

2) 

Ir-Repubblika Portugiża hija kkundannata tħallas lill-Kummissjoni Ewropea somma f’daqqa ta’ ammont ta’ EUR 2500000.

3) 

Ir-Repubblika Portugiża hija kkundannata, minbarra għall-ispejjeż rispettivi tagħha, għal dawk sostnuti mill-Kummissjoni Ewropea.