Digriet tal-Qorti Ġenerali (Il-Ħames Awla) tas-7 ta’ Novembru 2022 –
Ortega Montero vs Il-Parlament

(Kawża T‑161/22)

“Servizz pubbliku – Rappreżentanza tal-persunal – Modifika tar-regolament intern tal-Kumitat tal-Persunal tal-Parlament – Ħatra tar-rappreżentanti tal-persunal fl-organi statutorji u amministrattivi – Artikolu 90(2) tar-Regolamenti tal-Persunal – Nuqqas ta’ adozzjoni ta’ miżura imposta mir-Regolamenti tal-Persunal – Ilment li għandu jitressaq minn qabel quddiem l-Awtorità tal-Ħatra – Terminu ta’ rikors – Tardività – Inammissibbiltà”

1.	Rikorsi tal-uffiċjali – Ilment amministrattiv imressaq qabel – Distinzjoni mit-talba fis-sens tal-Artikolu 90(1) tar-Regolamenti tal-Persunal – Distinzjoni koperta mill-evalwazzjoni tal-qorti (Regolamenti tal-Persunal, Artikolu 90(1) u (2)) (ara l-punt 32)

2.	Rikorsi tal-uffiċjali – Kumitat tal-Persunal – Ħatra tar-rappreżentanti tal-persunal fl-organi statutorji u amministrattivi – Ġurisdizzjoni tal-qorti tal-Unjoni – Limiti (Artikolu 270 TFUE; Regolamenti tal-Persunal, Artikolu 90 u 91) (ara l-punti 33, 37, 80 sa 83)

Uffiċjali – Rappreżentanza – Kumitat tal-Persunal – Ħatra tar-rappreżentanti tal-persunal fl-organi statutorji u amministrattivi – Regolarità – Obbligi tal-istituzzjonijiet li jiżguraw ir-regolarità tal-proċess ta’ ħatra inkwistjoni – Portata

(Regolamenti tal-Persunal, Artikoli 9(2), 90 u 91)

(ara l-punti 34 sa 36)

Rikorsi tal-uffiċjali – Att li jikkawża preġudizzju – Kunċett – Deċiżjoni tal-awtorità tal-Ħatra intiża biex tiżgura r-regolarità tal-ħatra tar-rappreżentanti tal-persunal fl-organi statutorji u amministrattivi – Inklużjoni – Kundizzjonijiet

(Artikolu 270 TFUE; Regolamenti tal-Persunal, Artikolu 90 u 91)

(ara l-punti 38 sa 40)

Dispożittiv

1)	Ir-rikors huwa miċħud bħala inammissibbli.

2)	Maria Del Carmen Ortega Montero għandha tbati l-ispejjeż tagħha stess kif ukoll dawk tal-Parlament Ewropew.