Rikors ippreżentat fl-14 ta’ Ottubru 2022 – Piaggio & C. vs EUIPO – e-bility (Scooter)

(Kawża T-646/22)

(2022/C 463/86)

Lingwa tar-rikors: it-Taljan

Partijiet

Rikorrent: Piaggio & C. SpA (Pontedera, l-Italja) (rappreżentanti: F. Jacobacci u B. La Tella, avukati)

Konvenut: L-Uffiċċju tal-Proprjetà Intellettwali tal-Unjoni Ewropea (EUIPO)

Parti oħra quddiem il-Bord tal-Appell: e-bility GmbH (Remagen, il-Germanja)

Informazzjoni dwar il-proċedimenti quddiem l-EUIPO

Proprjetarju tad-disinn kontenzjuż: il-parti l-oħra quddiem il-Bord tal-Appell

Disinn kontenzjuż ikkonċernat: id-disinn Komunitarju (Scooter) – Disinn Komunitarju Nru 4363588-0001

Proċedimenti quddiem l-EUIPO: Proċedimenti għal dikjarazzjoni ta’ invalidità

Deċiżjoni kkontestata: id-deċiżjoni tat-Tielet Bord tal-Appell tal-EUIPO tat-8 ta’ Awwissu 2022 fil-Każ R 1663/2020-3

Talbiet

Ir-rikorrenti titlob li l-Qorti Ġenerali jogħġobha:

—	tannulla d-deċiżjoni kkontestata;

—	tiddikjara l-invalidità tad-disinn Komunitarju rreġistrat bin-Nru 4363588-0001 proprjetà tal-proprjetarju;

—	tordna li l-ispejjeż proċedurali relatati mal-proċedimenti quddiem il-Bord tal-Appell jiġu sostnuti mill-konvenut u mill-proprjetarju;

—	tikkundanna lill-EUIPO u lill-eventwali intervenjenti għall-ispejjeż kollha relatati ma din il-proċedura.

Motivi invokati

—	Ksur tal-Artikolu 6 tar-Regolament tal-Kunsill (KE) Nru 6/2002;

—	Evalwazzjoni żbaljata u esklużjoni mingħajr motivazzjoni ta’ provi determinanti prodotti mir-rikorrenti;

—	Ksur tal-Artikolu 25(1)(e) tar-Regolament tal-Kunsill (KE) Nru 6/2002;

—	Ksur tal-Artikolu 25(1)(f) tar-Regolament tal-Kunsill (KE) Nru 6/2002.