10.10.2022 |
MT |
Il-Ġurnal Uffiċjali tal-Unjoni Ewropea |
C 389/12 |
Rikors ippreżentat fit-18 ta’ Lulju 2022 – Sberbank Europe vs SRB
(Kawża T-450/22)
(2022/C 389/14)
Lingwa tal-kawża: l-Ingliż
Partijiet
Rikorrent: Sberbank Europe AG (Vjenna, l-Awstrija) (rappreżentant: O. Behrends, avukat)
Konvenut: Bord Uniku ta’ Riżoluzzjoni (SRB)
Talbiet
Ir-rikorrent jitlob li l-Qorti Ġenerali jogħġobha:
— |
tiddikjara nulla skont l-Artikolu 264 TFUE d-Deċiżjoni ta’ Nuqqas ta’ Riżoluzzjoni tas-SRB iddatata l-1 ta’ Marzu 2022 fil-konfront tar-rikorrent; |
— |
tikkundanna lis-SRB għall-ispejjeż tar-rikorrent. |
Motivi u argumenti prinċipali
Insostenn tar-rikors tiegħu, ir-rikorrent jinvoka seba’ motivi.
1. |
L-ewwel motiv, ibbażat fuq l-allegazzjoni li s-SRB eċċeda l-kompetenzi tiegħu billi adotta deċiżjoni fil-konfront tar-rikorrent minflok ma sempliċement astjena milli jieħu xi azzjoni konformement mal-konstatazzjonijiet tiegħu li l-kundizzjonijiet tal-Artikolu 18 tar-Regolament dwar il-Mekkaniżmu Uniku ta’ Riżoluzzjoni (1) (iktar ’il quddiem ir-“RMUR”) ma kinux issodisfatti. |
2. |
It-tieni motiv, ibbażat fuq l-allegazzjoni li s-SRB naqas milli jagħti lir-rikorrent dritt għal smigħ. |
3. |
It-tielet motiv, ibbażat fuq l-allegazzjoni li s-SRB ma pprovdiex motivazzjoni suffiċjenti. |
4. |
Ir-raba’ motiv, ibbażat fuq l-allegazzjoni li s-SRB naqas milli jqis b’mod xieraq ir-rekwiżiti skont l-Artikolu 18(1)(b) tar-RMUR. |
5. |
Il-ħames motiv, ibbażat fuq l-allegazzjoni li s-SRB u l-BĊE naqsu milli jqisu s-sospensjoni tar-responsabbiltà tar-rikorrent. |
6. |
Is-sitt motiv, ibbażat fuq l-allegazzjoni li s-SRB kiser il-prinċipju ta’ proporzjonalità billi naqas milli jqis numru ta’ alternattivi ovvji u inqas onerużi, inkluż it-trasferiment tar-rikorrent lil soċju ieħor. |
7. |
Is-seba’ motiv, ibbażat fuq l-allegazzjoni li s-SRB naqas milli jsegwi pjan ta’ riżoluzzjoni mingħajr ma pprovda ebda spjegazzjoni plawżibbli għal dan. |
(1) Regolament (UE) Nru 806/2014 tal-Parlament Ewropew u tal-Kunsill tal-15 ta’ Lulju 2014 li jistabbilixxi regoli uniformi u proċedura uniformi għar-riżoluzzjoni tal-istituzzjonijiet ta' kreditu u ċerti ditti tal-investiment fil-qafas ta' Mekkaniżmu Uniku ta' Riżoluzzjoni u Fond Uniku għar-Riżoluzzjoni u li jemenda r-Regolament (UE) Nru 1093/2010 (ĠU 2014, L 225, p. 1).