—

tannulla d-deċiżjoni tal-BĊE tal-21 ta’ Diċembru 2021 mogħtija kontra Sberbank (Nru ECB-SSM-2021-ATSBE-12, ESA-2020-00000051) mingħajr ma ġiet sostitwita skont l-Artikoli 263 u 264 TFUE; u

—

tikkundanna lill-konvenut għall-ispejjeż tal-proċeduri għal annullament.

1.

L-ewwel motiv ibbażat fuq li l-impożizzjoni mill-BĊE ta’ interessi ta’ rkupru hija sanzjoni doppja inammissibbli skont l-Artikolu 50 tal-Karta tad-Drittijiet Fundamentali tal-Unjoni Ewropea (iktar ’il quddiem il-“Karta”) u l-Artikolu 4 tal-Konvenzjoni Ewropea għad-Drittijiet tal-Bniedem (iktar ’il quddiem il-“KEDB”).

2.

It-tieni motiv ibbażat fuq li d-deċiżjoni tal-BĊE tal-21 ta’ Diċembru 2021 tikser l-Artikolu 49 tal-Karta u l-Artikolu 7 tal-KEDB billi timponi sanzjoni li teċċedi l-ammonti limiti stabbiliti fl-Artikolu 18(1) tar-Regolament (UE) Nru 1024/2013 (1).

3.

It-tielet motiv ibbażat fuq li d-deċiżjoni tal-BĊE li timponi interessi ta’ rkupru fuq Sberbank tikser l-Artikolu 17 tal-Karta u l-Artikolu 1 tal-Ewwel Protokoll Addizzjonali tal-KEDB.

4.

Ir-raba’ motiv ibbażat fuq il-ksur tad-drittijiet fundamentali u tal-libertajiet fundamentali taħt l-Artikolu 6 tat-Trattat dwar l-Unjoni Ewropea. Il-prinċipju ta’ res judicata jipprojbixxi lill-BĊE milli jimponi interessi ta’ rkupru fuq Sberbank għall-qbiż tal-limiti tal-espożizzjoni kbira skont l-Artikolu 395 tar-Regolament (UE) Nru 575/2013 (2).

5.

Il-ħames motiv ibbażat fuq il-ksur tal-prinċipju ta’ bona fide, peress li l-BĊE kiser il-Gwida għall-metodu tal-iffissar ta’ sanzjonijiet amministrattivi pekunjarji skont l-Artikolu 18(1) u (7) tar-Regolament (UE) Nru 1024/2013.

6.

Is-sitt motiv ibbażat fuq li l-konvenut kiser l-Artikolu 6 tal-KEDB.

7.

Is-seba’ motiv ibbażat fuq li l-konvenut kiser l-ammont tal-limiti għas-sanzjonijiet skont l-Artikolu 18 tar-Regolament (UE) Nru 1024/2013.

8.

It-tmien motiv ibbażat fuq ksur tal-prinċipju ta’ proporzjonalità skont l-Artikolu 99(e) tal-Liġi Bankarja Awstrijaka (iktar ’il quddiem il-“BWG”).

9.

Id-disa’ motiv ibbażat fuq li l-Artikolu 97 tal-BWG ma huwiex applikabbli jekk ma jkun akkwistat ebda vantaġġ jew jekk ma jiġi evitat ebda telf.

10.

L-għaxar motiv ibbażat fuq li l-kapaċità tal-BĊE li timponi interessi ta’ rkupru hija preskritta skont l-Artikolu 130 tar-Regolament (UE) Nru 468/2014 (3) u l-Artikolu 22 tal-Liġi Awstrijaka dwar l-awtorità ta’ superviżjoni tas-swieq finanzjarji (iktar ’il quddiem il-“KMSA”).

11.

Il-ħdax-il motiv ibbażat fuq li l-Artikolu 395(1) tar-Regolament (UE) Nru 575/2013 jistipula biss limitu wieħed ta’ espożizzjoni kbira, li huwa għalfejn l-Artikolu 97(1) Nru 2 BWG jissanzjona biss darba il-qbiż ta’ dan il-limitu.

12.

It-tnax-il motiv ibbażat fuq li Sberbank ma qabiżx intenzjonalment il-limitu ta’ espożizzjoni kbira.

13.

It-tlettax-il motiv ibbażat fuq li Sberbank ma kisbet ebda vantaġġ jew ma evitat ebda telf li għandu jiġi rkuprat.

14.

L-erbatax-il motiv ibbażat fuq li billi ma tax l-eżenzjoni taħt l-Artikolu 396(1) tar-Regolament (UE) Nru 575/2013 il-BĊE uża b’mod ħażin id-diskrezzjoni tiegħu.