—

tannulla d-Deċiżjoni tal-Kunsill (PESK) 2021/2181 tad-9 ta’ Diċembru 2021 (1), inkwantu żżomm lir-rikorrent fin-Nru 7 tal-anness ta’ din id-deċiżjoni;

—

tannulla r-Regolament ta’ Implimentazzjoni tal-Kunsill (UE) 2021/2177 tad-9 ta’ Diċembru 2021 (2) inkwantu jżomm lir-rikorrent fin-Nru 7 tal-Anness I ta’ dan ir-regolament;

—

tikkundanna lill-Kunsill għall-ispejjeż.

1.

L-ewwel motiv, ibbażat fuq il-ksur tad-drittijiet tad-difiża. F’dan ir-rigward, ir-rikorrent iressaq diversi lmenti fir-rigward tal-ksur tad-drittijiet tiegħu matul il-proċeduri li wasslu għall-adozzjoni u għat-tiġdid, mill-Kunsill, tal-miżuri restrittivi fil-konfront tiegħu u, b’mod partikolari, il-ksur tad-dritt għal smigħ tiegħu f’kundizzjonijiet aċċettabbli.

2.

It-tieni motiv, ibbażat fuq żball manifest ta’ evalwazzjoni li allegatament wettaq il-Kunsill fir-rigward tal-involviment tar-rikorrent f’atti li jikkostitwixxu ksur serju tad-drittijiet tal-bniedem fir-Repubblika Demokratika tal-Kongo. Ir-rikorrent jikkritika l-kuntest tal-eżami mill-ġdid li twettaq qabel it-tiġdid ikkontestat tal-miżuri restrittivi u jikkontesta kull involviment attwali fil-fatti li fuqhom hija bbażata d-deċiżjoni li jiġi inkluż fil-lista tal-persuni suġġetti għad-Deċiżjoni 2010/788/PESK.