9.8.2021 |
MT |
Il-Ġurnal Uffiċjali tal-Unjoni Ewropea |
C 320/51 |
Rikors ippreżentat fit-22 ta’ Ġunju 2021 – Volkskreditbank vs SRB
(Kawża T-348/21)
(2021/C 320/57)
Lingwa tal-kawża: il-Ġermaniż
Partijiet
Rikorrent: Volkskreditbank AG (Linz, l-Awstrija) (rappreżentanti: G. Eisenberger u A. Brenneis, avukati)
Konvenut: Il-Bord Uniku ta’ Riżoluzzjoni (SRB)
Talbiet
Ir-rikorrenti titlob li l-Qorti Ġenerali jogħġobha:
— |
tannulla d-deċiżjoni tal-Bord Uniku ta’ Riżoluzzjoni tal-14 ta’ April 2021 dwar il-kalkolu tal-kontribuzzjonijiet lill-Fond Uniku ta’ Riżoluzzjoni miġbura ex ante għas-sena 2021 (SRB/ES/2021/22), inklużi l-annessi, u f’kull każ sa fejn din id-deċiżjoni, inklużi l-annessi, tirrigwarda l-ammont li għandu jitħallas mir-rikorrenti; |
— |
tissospendi l-proċedura skont l-Artikolu 69(c) u/jew (d) tar-Regoli tal-Proċedura tal-Qorti Ġenerali sakemm tingħata deċiżjoni definittiva fil-Kawżi (magħquda) C-584/20 P (1) u C-621/20 P (2), C-663/20 P (3) u C-664/20 P (4), peress li dawn l-appelli, li ilhom pendenti għal ċertu żmien, iqajmu fil-parti l-kbira l-istess kwistjonijiet ta’ liġi; |
— |
tikkundanna lill-Bord Uniku ta’ Riżoluzzjoni għall-ispejjeż tal-proċedura. |
Motivi u argumenti prinċipali
Insostenn tar-rikors tagħha, ir-rikorrenti tinvoka ħames motivi, li huma identiċi għal dawk invokati fil-Kawża T-347/21, Hypo Vorarlberg Bank vs SRB.