Rikors ippreżentat fit-8 ta’ Ġunju 2021 – KF vs BEI

(Kawża T-318/21)

(2021/C 297/59)

Lingwa tal-kawża: l-Ingliż

Partijiet

Rikorrent: KF (rappreżentanti: L. Levi u A. Blot, avukati)

Konvenut: Bank Ewropew tal-Investiment

Talbiet

Ir-rikorrent jitlob li l-Qorti Ġenerali jogħġobha:

—	tannulla d-deċiżjoni tal-konvenut tat-13 ta’ Ottubru 2020;

—	tannulla d-deċiżjoni tal-konvenut tad-9 ta’ Marzu 2021 li tiċħad it-talba tar-rikorrent li jsir eżami mill-ġdid amministrattiv tad-deċiżjoni tal-konvenut tat-13 ta’ Ottubru 2020;

—	tagħti kumpens għad-dannu morali sostnut mir-rikorrent; u

—	tikkundanna lill-konvenut għall-ispejjeż.

Motivi u argumenti prinċipali

Insostenn tar-rikors tiegħu, ir-rikorrent jinvoka erba’ motivi.

1.	L-ewwel motiv ibbażat fuq il-ksur tal-Artikolu 8(1), l-Artikolu 46(1) u l-Artikolu 51(1) tar-Regolament tal-Iskema ta’ Pensjoni applikabbli għall-membri tal-persunal tal-BEI, kif ukoll żball manifest ta’ evalwazzjoni tal-kunċett ġuridiku ta’ invalidità.

2.	It-tieni motiv ibbażat fuq il-ksur tal-Artikolu 34 tal-Karta tad-Drittijiet Fundamentali tal-Unjoni Ewropea u fuq il-ksur tad-dmir ta’ premura.

3.	It-tielet motiv ibbażat fuq il-ksur tal-prinċipju ta’ amministrazzjoni tajba.

4.	Ir-raba’ motiv ibbażat fuq nuqqas ta’ imparzjalità.

5.	Ir-rikorrent jikkunsidra wkoll li l-illegalitajiet esposti fir-rikors jikkostitwixxu nuqqasijiet imwettqa mill-konvenut. Ir-rikorrent jitlob konsegwentement kumpens għad-dannu morali li tikkawżalu d-deċiżjoni kkontestata.