Rikors ippreżentat fit-30 ta’ April 2021 – Dana Astra vs Il-Kunsill

(Kawża T-239/21)

(2021/C 242/78)

Lingwa tal-kawża: l-Ingliż

Partijiet

Rikorrent: Dana Astra IOOO (Minsk, il-Bjelorussja) (rappreżentant: M. Lester, G. Forwood, u M. Vangenechten, avukati)

Konvenut: Il-Kunsill tal-Unjoni Ewropea

Talbiet

Ir-rikorrenti titlob li l-Qorti tal-Ġustizzja jogħġobha:

—

tannulla d-Deċiżjoni tal-Kunsill (PESK) 2021/353 tal-25 ta’ Frar 2021 li temenda d-Deċiżjoni 2012/642/PESK dwar miżuri restrittivi kontra l-Belarussja u r-Regolament ta’ Implimentazzjoni tal-Kunsill (UE) 2021/339 tal-25 ta’ Frar 2021 li jimplimenta l-Artikolu 8a tar-Regolament (KE) Nru 765/2006 sa fejn japplikaw għar-rikorrenti;

—	tordna lill-Kunsill ibati l-ispejjeż tiegħu u dawk tar-rikorrenti.

Motivi u argumenti prinċipali

Insostenn tar-rikors tagħha, ir-rikorrenti tinvoka motiv wieħed, ibbażat fuq allegat żball ta’ evalwazzjoni u nuqqas ta’ motivazzjoni għall-konstatazzjoni li Dana Holdings/Dana Astra qiegħda tibbenefika mir-reġim ta’ Lukashenka jew tappoġġjah.