|
25.7.2022 |
MT |
Il-Ġurnal Uffiċjali tal-Unjoni Ewropea |
C 284/37 |
Digriet tal-Qorti Ġenerali tal-20 ta’ Mejju 2022 – VP vs CEDEFOP
(Kawża T-534/21) (1)
(“Rikors għal annullament u għad-danni - Servizz pubbliku - Membri tal-persunal temporanju - Talba għal tiġdid tal-kuntratt għal żmien indeterminat - Deċiżjoni li l-kuntratt ma jiġġeddidx - Rikors għal annullament u għad-danni - Atti li jistgħu jiġu kkontestati - Inammissibbiltà manifesta”)
(2022/C 284/49)
Lingwa tal-kawża: l-Ingliż
Partijiet
Rikorrent: VP (rappreżentant: L. Levi, avukat)
Konvenut: Ic-Ċentru Ewropew għall-Iżvilupp tat-Taħriġ Vokazzjonali (rappreżentanti: A. Guillerme, T. Bontinck, L. Burguin u T. Payan, avukati)
Suġġett
Permezz tar-rikors tagħha bbażat fuq l-Artikolu 270 TFUE, ir-rikorrenti titlob, minn naħa, l-annullament tad-deċiżjoni taċ-Ċentru Ewropew għall-Iżvilupp tat-Taħriġ Vokazzjonali (Cedefop) tat-2 ta’ Marzu 2021, u, min-naħa l-oħra, kumpens għad-dannu li hija allegatament subiet minħabba din id-deċiżjoni.
Dispożittiv
|
1) |
Ir-rikors huwa miċħud bħala manifestament inammissibbli. |
|
2) |
VP hija kkundannata ssostni l-ispejjeż rispettivi tagħha kif ukoll dawk sostnuti miċ-Ċentru Ewropew għall-Iżvilupp tat-Taħriġ Vokazzjonali (Cedefop), inklużi dawk relatati mal-proċeduri għal miżuri provviżorji. |