27.6.2022 |
MT |
Il-Ġurnal Uffiċjali tal-Unjoni Ewropea |
C 244/27 |
Sentenza tal-Qorti Ġenerali tas-6 ta’ April 2022 – L-Ungerija vs Il-Kummissjoni
(Kawża T-57/21) (1)
(“FAEG u FAEŻR - Spejjeż esklużi mill-finanzjament - Obbligu li jiżdiedu l-kontrolli fuq il-post - Artikolu 35 tar-Regolament ta’ Implimentazzjoni (UE) no 809/2014 - Valur legali tad-dokumenti tax-xogħol tal-Kummissjoni - Modalitajiet ta’ kalkolu taż-żieda tar-rati ta’ kontrolli fuq il-post”)
(2022/C 244/35)
Lingwa tal-kawża: l-Ungeriż
Partijiet
Rikorrent: L-Ungerija (rappreżentanti: M. Fehér u G. Koós, aġenti)
Konvenuta: Il-Kummissjoni Ewropea (rappreżentanti: J. Aquilina, A. Sauka u Z. Teleki, aġenti)
Suġġett
Permezz tar-rikors tagħha bbażat fu l-Artikolu 263 TFUE, ir-rikorrenti titlob l-annullament tad-Deċiżjoni ta’ Implimentazzjoni tal-Kummissjoni (UE) 2020/1734 tat-18 ta’ Novembru 2020 li teskludi mill-finanzjament tal-Unjoni Ewropea ċerta nefqa mġarrba mill-Istati Membri fil-qafas tal-Fond Agrikolu Ewropew ta’ Garanzija (FAEG) u tal-Fond Agrikolu Ewropew għall-Iżvilupp Rurali (FAEŻR) (ĠU 2020, L 390, p. 10), biss sa fejn il-Kummissjoni Ewropea eskludiet is-somma ta’ EUR 4 334 068,02 tal-ammont ta’ għajnuna finanzjarja li ngħatat lilha permezz tal-Fond Agrikolu Ewropew ta’ Garanzija (FAEG) għas-sena finanzjarja 2018 minħabba t-twettiq ta’ numru insuffiċjenti ta’ kontrolli fuq il-post.
Dispożittiv
1) |
Id-Deċiżjoni ta’ Implimentazzjoni tal-Kummissjoni (UE) 2020/1734 tat-18 ta’ Novembru 2020 li teskludi mill-finanzjament tal-Unjoni Ewropea ċerta nefqa mġarrba mill-Istati Membri fil-qafas tal-Fond Agrikolu Ewropew ta’ Garanzija (FAEG) u tal-Fond Agrikolu Ewropew għall-Iżvilupp Rurali (FAEŻR) (ĠU 2020, L 390, p. 10), biss sa fejn il-Kummissjoni Ewropea eskludiet is-somma ta’ EUR 4 334 068,02 tal-ammont ta’ għajnuna finanzjarja li ngħatat lilha permezz tal-Fond Agrikolu Ewropew ta’ Garanzija (FAEG) għas-sena finanzjarja 2018 minħabba t-twettiq ta’ numru insuffiċjenti ta’ kontrolli fuq il-post, hija annullata. |
2) |
Il-Kummissjoni hija kkundannata għall-ispejjeż. |