16.5.2022 |
MT |
Il-Ġurnal Uffiċjali tal-Unjoni Ewropea |
C 198/14 |
Digriet tal-Qorti tal-Ġustizzja (it-Tmien Awla) tat-30 ta’ Marzu 2022 (talba għal deċiżjoni preliminari tat-Tribunal da Relação de Lisboa – il-Portugall) – Orbest, SA vs CS, QN, OP, et
(Kawża C-659/21) (1)
(Rinviju għal deċiżjoni preliminari - Artikolu 99 tar-Regoli tal-Proċedura tal-Qorti tal-Ġustizzja - Trasport bl-ajru - Regolament (KE) Nru 261/2004 - Regoli komuni fil-qasam tal-kumpens u tal-assistenza lill-passiġġieri fil-każ ta’ kanċellazzjoni jew ta’ dewmien twil ta’ titjira - Artikolu 5(3) - Eżenzjoni mill-obbligu ta’ kumpens - Kunċett ta’ “ċirkustanzi straordinarji” - Ħsara teknika tal-ajruplan, ikkawżata mill-kolliżjoni ta’ vettura tal-catering li tappartjeni lil terz ma’ dan l-ajruplan li huwa f’pożizzjoni fir-rampa tal-ajruport)
(2022/C 198/20)
Lingwa tal-kawża: il-Portugiż
Qorti tar-rinviju
Tribunal da Relação de Lisboa
Partijiet fil-kawża prinċipali
Rikorrent: Orbest, SA
Konvenuti: CS, QN, OP, et
Dispożittiv
L-Artikolu 5(3) tar-Regolament (KE) Nru 261/2004 tal-Parlament Ewropew u tal-Kunsill tal-11 ta’ Frar 2004 li jistabbilixxi regoli komuni dwar il-kumpens u l-assistenza għal passiġġieri fil-każ li ma jitħallewx jitilgħu u ta’ kanċellazzjoni jew dewmien twil ta’ titjiriet, u li li jħassar ir-Regolament (KEE) Nru 295/91, għandu jiġi interpretat fis-sens li l-ħsara teknika ta’ ajruplan, ikkawżata mill-kolliżjoni ta’ vettura tal-catering li tappartjeni lil terz ma’ dan l-ajruplan li huwa f’pożizzjoni fir-rampa tal-ajruport, tista’ taqa’ taħt il-kunċett ta’ “ċirkustanzi straordinarji”, fis-sens ta’ din id-dispożizzjoni.
(1) Data tal-preżentata: 2.11.2021.