2.5.2023 |
MT |
Il-Ġurnal Uffiċjali tal-Unjoni Ewropea |
C 155/15 |
Sentenza tal-Qorti tal-Ġustizzja (It-Tieni Awla) tat-2 ta’ Marzu 2023 (talba għal deċiżjoni preliminari tal-Miskolci Törvényszék – l-Ungerija) – IH vs MÁV-START Vasúti Személyszállító Zrt.
(Kawża C-477/21 (1), MÁV-START)
(Rinviju għal deċiżjoni preliminari - Politika soċjali - Protezzjoni tas-sigurtà u tas-saħħa tal-ħaddiema - Organizzazzjoni tal-ħin tax-xogħol - Artikolu 31(2) tal-Karta tad-Drittijiet Fundamentali tal-Unjoni Ewropea - Direttiva 2003/88/CE - Artikoli 3 u 5 - Serħan ta’ kuljum u serħan ta’ kull ġimgħa - Leġiżlazzjoni nazzjonali li tipprevedi perijodu ta’ serħan ta’ kull ġimgħa minimu ta’ tnejn u erbgħin siegħa - Obbligu li jingħata s-serħan ta’ kuljum - Metodi ta’ għoti)
(2023/C 155/17)
Lingwa tal-kawża: l-Ungeriż
Qorti tar-rinviju
Miskolci Törvényszék
Partijiet fil-kawża prinċipali
Rikorrent: IH
Konvenut: MÁV-START Vasúti Személyszállító Zrt.
Dispożittiv
1) |
L-Artikolu 5 tad-Direttiva 2003/88/KE tal-Parlament Ewropew u tal-Kunsill tal-4 ta’ Novembru 2003 li tikkonċerna ċerti aspetti tal-organizzazzjoni tal-ħin tax-xogħol, moqri fid-dawl tal-Artikolu 31(2) tal-Karta tad-Drittijiet Fundamentali tal-Unjoni Ewropea, għandu jiġi interpretat fis-sens li: is-serħan ta’ kuljum previst fl-Artikolu 3 ta’ din id-direttiva ma jifformax parti mill-perijodu ta’ serħan ta’ kull ġimgħa previst fl-imsemmi Artikolu 5, iżda jiżdied miegħu. |
2) |
L-Artikoli 3 u 5 tad-Direttiva 2003/88, moqrija fid-dawl tal-Artikolu 31(2) tal-Karta tad-Drittijiet Fundamentali tal-Unjoni Ewropea, għandhom jiġu interpretati fis-sens li: meta leġiżlazzjoni nazzjonali tipprevedi perijodu ta’ serħan ta’ kull ġimgħa li jaqbeż il-perijodu ta’ ħamsa u tletin siegħa konsekuttiva, hemm lok li l-ħaddiem jingħata, minbarra dan il-perijodu, is-serħan ta’ kuljum hekk kif huwa ggarantit mill-Artikolu 3 ta’ din id-direttiva. |
3) |
L-Artikolu 3 tad-Direttiva 2003/88, moqri fid-dawl tal-Artikolu 31(2) tal-Karta tad-Drittijiet Fundamentali tal-Unjoni Ewropea, għandu jiġi interpretat fis-sens li: meta ħaddiem jingħata perijodu ta’ serħan ta’ kull ġimgħa, dan għandu wkoll id-dritt li jibbenefika minn perijodu ta’ serħan ta’ kuljum li jiġi qabel l-imsemmi perijodu ta’ serħan ta’ kull ġimgħa. |