22.8.2022 |
MT |
Il-Ġurnal Uffiċjali tal-Unjoni Ewropea |
C 318/8 |
Sentenza tal-Qorti tal-Ġustizzja (It-Tmien Awla) tat-30 ta’ Ġunju 2022 (talba għal deċiżjoni preliminari tat-Tallinna Halduskohus – l-Estonja) – Aktsiaselts M.V.WOOL vs Põllumajandus- ja Toiduamet
(Kawża C-51/21) (1)
(Rinviju għal deċiżjoni preliminari - Leġiżlazzjoni dwar l-ikel - Regolament (KE) Nru 2073/2005 - Kriterji mikrobijoloġiċi applikabbli għall-prodotti tal-ikel - Artikolu 3(1) - Obbligi tal-operaturi tas-settur tal-ikel - Anness I - Kapitolu 1, punt 1.2 - Valuri limitu tal-preżenza ta’ Listeria monocytogenes fil-prodotti tal-ħut qabel u wara t-tqegħid fis-suq - Regolament (KE) Nru 178/2002 - Artikolu 14(8) - Kontroll uffiċjali tal-prodott waqt it-tqegħid fis-suq - Portata)
(2022/C 318/09)
Lingwa tal-kawża: l-Estonjan
Qorti tar-rinviju
Tallinna Halduskohus
Partijiet fil-kawża prinċipali
Rikorrent: Aktsiaselts M.V.WOOL
Konvenut: Põllumajandus- ja Toiduamet
Dispożittiv
Id-dispożizzjonijiet magħquda tal-Artikolu 3(1) u tal-punt 1.2 tal-Kapitolu 1 tal-Anness I tar-Regolament tal-Kummissjoni (KE) Nru 2073/2005 tal-15 ta’ Novembru 2005 dwar il-kriterji mikrobijoloġiċi għall-prodotti tal-ikel (ĠU 2005, L 338, p. 1), kif emendat bir-Regolament tal-Kummissjoni (UE) 2019/229 tas-7 ta’ Frar 2019, għandhom jiġu interpretati fis-sens li, meta l-produttur ma jkunx f’pożizzjoni li juri, għas-sodisfazzjon tal-awtorità kompetenti, li, matul il-perijodu kollu ta’ konservazzjoni tagħhom, il-prodotti tal-ikel ser josservaw il-limitu ta’ 100 unitajiet li jifformaw kolonja (cfu)/gramma (g) fir-rigward tal-preżenza ta’ Listeria monocytogenes, il-limitu impost fl-assenza ta’ detenzjoni ta’ Listeria monocytogenes f’25 g tal-prodott tal-ikel ikkonċernat, previst f’dan il-punt 1.2 tal-imsemmi Anness I, ma japplikax għall-prodotti tal-ikel li tqiegħdu fis-suq matul il-perijodu ta’ konservazzjoni tagħhom.