—

F’dan ir-rigward qed jiġi sostnut li r-regolament ikkontestat huwa vvizzjat b’illegalità inkwantu l-Kummissjoni ma kkonstatax konkretament il-kundizzjonijiet tas-swieq meħuda ikunsiderazzjoni u r-rikorrenti ma tħallewx materjalment jeżerċitaw id-drittijiet tad-difiża tagħhom. Fil-qosor, Hoamei u King Metal tqiesu li kienu responsabbli għal dumping, u għaldaqstant kienu suġġetti għal dazji ta’ natura kompensatorja, mhux minħabba aġir proprju min-naħa tagħhom fl-esportazzjonijiet miċ-Ċina, iżda minħabba evalwazzjoni favorevoli komplessiva tal-ekonomija Ċiniża u għalhekk b’mod għalkollox ġeneriku. Konvinta minn dan, il-Kummissjoni eskludiet kull eżami konkret tad-dokumentazzjoni prodotta mill-impriżi hawn rikorrenti.

—

F’dan ir-rigward qed tiġi sostnuta l-illegalità li tirriżulta mill-fatt li l-Kummissjoni wettqet istruttorja inkompleta u, fi kwalunkwe każ, b’riżultat konfuż u vvizzjat ukoll bl-illegalità li tirriżulta mir-regolament dwar ir-reġistrazzjoni tal-prodotti, li diġà ġie kkontestat quddiem din il-Qorti inkwantu inkludiet fl-istruttorja kodiċijiet tal-prodott (7610 90 90) li, b’ammissjoni tagħha stess, ma għandhomx jiġu inklużi inkwantu dawn huma prodotti differenti minn dawk suġġetti għal investigazzjoni. Dan l-iżball (li ppermetta li jiġu inklużi prodotti differenti) ixejjen kemm il-kundizzjonijiet tad-dumping (inkwantu l-prezz baxx ħafna relatat inaqqas inevitabbilment u artifiċjalment il-prezz medju) kif ukoll id-danni għall-industrija tal-Unjoni ġaladarba dawn huma kwantitajiet konsiderevoli meta mqabbel mal-volum totali ta’ kwantitajiet ta’ prodott tali li jxejjnu l-effett tal-parti li jifdal tal-prodott importat fl-Unjoni Ewropea.

—

Fit-tieni lok, l-assenza ta’ konstatazzjoni speċifika dwar il-pożizzjoni tar-rikorrenti hija inkompatibbli mat-Trattat (u r-regoli ċċitati) inkwantu tistabbilixxi sistema ta’ responsabbiltà oġġettiva jew għal raġuni oħra li tinsab f’kunflitt mal-prinċipju bażiku ta’ ċertezza legali u ta’ aspettattivi leġittimi (sentenza tat-3 ta’ Diċembru 1993, C-381/97, Belgocodex, C-381/97, EU:C:1998:589; sentenza tas-26 ta’ April 2005, “Goed Wonen”, C-376/02, EU:C:2005:251) minħabba l-prezz tas-suq u tal-istruttura relattiva ta’ nfiq tas-suq prodotta numru ta’ drabi mir-rikorrenti lill-Kummissjoni u li din tal-aħħar injorat kompletament (bħalma ġew injorati l-pożizzjonijiet tal-Gvern Ċiniż dwar is-suġġett tal-ekonomija tas-suq). Dan wassal għal illegalitajiet evidenti kemm ta’ natura sostanzjali (fuq il-kunċetti ta’ valur normali, distorsjonijiet sinjifikanti, aċċess għall-kreditu, sistema fiskali, sistema legali marbuta mal-qasam fallimentari, pajjiż rappreżentattiv u għażla ta’ dan il-pajjiż) fir-rigward tan-natura proċedurali ttrattata b’mod estensiv fil-motiv preżenti, u li pproduċew effett diskriminatorju evidenti u dannuż.

—

F’dan ir-rigward qed jiġi sostnut li r-regolament ikkontestat huwa illegali peress li, filwaqt li jiżvija mill-għan ta’ antidumping, iqis li l-kompetizzjoni Ċiniża eżerċitata minn Haoei u King Metal toħloq danu għall-industrija tal-Unjoni f’kuntest ta’ żieda sinjifikanti tal-konsum u tal-vijabbiltà tal-insustrija tal-alluminju. Għall-kuntrarju, ma hemm ebda konstatazzjoni ta’ undercutting jew underselling li skont il-ġurisprudenza hija neċessarja għall-finijiet ta’ dannu. Minflok, fil-każ tar-rikorrenti, l-assenza ta’ undercutting u ta’ underselling hija pprovata (fost id-dokumenti varji prodotti fi ħdan il-motiv) mill-prezzijiet ta’ tuq mill-fabbrika (ex works) ta’ Haomei u ta’ King Metal, li huma paragunabbli mal-prezzijiet Ewropej (Dokument 3, report Bauxite).

—

Barra minn hekk hemm assenza totali ta’ interess tal-Unjoni għall-impożizzjoni tad-dazju iżda hemm interess esklużiv tal-lanjanti – li l-Kummissjoni sempliċement “adottat” bħala motivazzjoni għaliha nnifisha fejn estendietha, mingħajr ma wettqet analiżi, għall-Unjoni kollha. F’tali kuntest il-Kummissjoni, mill-ġdid, injorat kompletament it-tagħrif prodott mir-rikorrenti matul il-proċedura li la ġie ttrattat fil-kontradittorju (la b’mod orali u lanqas bil-miktub) matul il-proċedura u lanqas fir-Regolament.

—

F’dan ir-rigward qed jiġi sostnut li, minkejja l-gravità u r-rilevanza tal-pandemija għall-kummerċ internazzjonali, li diġà avvenimenti ekonomiċi mingħajr preċedenti (pereżempju, il-bejgħ taż-żejt bi prezzijiet negattivi), il-Kummissjoni ma qisitx li kellha telabora, mhux biss studju, minimu ta’ analiżi dokumentata tal-effetti tal-COVID-19 fuq il-kummerċ internazzjonali u tinkludiha fl-istruttorja.

—

Sussegwentement il-Kummissjoni eskludiet kull evalwazzjoni ta’ fatturi oħra li jinfluwenzaw espliċitament l-analiżi: minn naħa, iż-żieda, anki jekk minima, ta’ importazzjonijiet minn pajjiżi oħra bħar-Russja; min-naħa l-oħra iż-żieda tal-esportazzjoni Ewropea ta’ aluminju fid-dinja (punti 284 et seq.). Dawn iċ-ċirkustanzi għandhom kjarament bħala effett li jinterrompu r-rabta kawżali bejn dumping u dannu.

—

F’dan ir-rigward ir-rikorrenti jsostnu li l-Kummissjoni ma identifikatx b’mod ċar l-oġġett tal-importazzjonijiet li huma suġġetti għal investigazzjoni u, sabiex tiġġustifika dan, invokat skambju ta’ informazzjoni li kien għadu fis-seħħ bejn id-DG TAXUD u eżami fis-seħħ ta’ ċerti dokumenti TARIC intiż li jistabbilixxi jekk dawn l-elementi kinux rilevanti għall-analiżi.

—

Madankollu, il-ħtieġa tal-miżura għandha tiġi pprovata fuq il-bażi ta’ elementi tekiċi indiskutibbli. L-assenza ta’ tali analiżi, jew in-natura mhux xierqa tagħha, twassal ukoll għal ksur dirett tal-moviment liberu tal-merkanzija sa fejn ir-reġistrazzjoni sussegwentement tippreġudika n-natura negozjabbli tal-prodotti importati anki wara d-dħul tagħhom fit-territorju tal-Unjoni.

—

F’dan ir-rigward ir-rikorrent jsostnu li l-iffissar tal-livell tal-miżuri (punti 330 et seq.) huwa vvizzjat minn żbalji. Ir-rata ta’ 30.4 % għal Haomei u King Metal hija misluta b’mod arbitrarju mill-ilment antidumping ta’ EA, fil-verżjoni kunfidenzjali tiegħu. Il-Kummissjoni, li tiddikjara saħansitra li siltet provi suffiċjenti mill-informazzjoni li tinsab fin-notifika ta’ bidu u fl-ilment, tiffissa b’mod arbitrarju marġni ta’ dumping wieħed għall-prodotti estrużi kollha. L-użu ħażin ta’ poter, fir-rigward tal-għan ta’ protezzjoni mill-ħsara li tista’ ġġarrab l-industrija tal-Unjoni, huwa manifest.

—

F’dan ir-rigward ir-rikorrenti jsostnu li r-Regolament 2020/1428, li l-Kummissjoni adottat fuq il-bażi legali tal-Artikolu 207 TFUE, jevita l-kunċetti previsti mid-dritt internazzjonali dwar is-suġġett. Li kieku dan ma kienx l-każ, jiġifieri li kieku ma kienx hemm illegalità li tivvizzja direttament ir-Regolament 2020/1428, l-illegalità tkun taqa’ mill-ġdid fuq ir-Regolament Bażiku.

—

F’dan ir-rigward ir-rikorrenti jsostnu li, għall-kumpanniji rikorrenti, l-applikazzjoni tad-drittijiet inkwistjoni tikkostitwixxi ostakolu għat-twettiq tal-attività tagħhom, liema fatt joħloq preġudizzju irreparabbli u paragunabbli għal dak ta’ sanzjoni kriminali, hekk kif iddeċidiet il-Qorti Ewropea tad-Drittijiet tal-Bniedem f’numru ta’ okkażjonijiet.