19.10.2020 |
MT |
Il-Ġurnal Uffiċjali tal-Unjoni Ewropea |
C 348/22 |
Rikors ippreżentat fil-21 ta’ Lulju 2020 – Il-Pajjiżi l-Baxxi vs Il-Kummissjoni
(Kawża T-469/20)
(2020/C 348/31)
Lingwa tal-kawża: l-Olandiż
Partijiet
Rikorrent: Ir-Renju tal-Pajjiżi l-Baxxi (rappreżentanti: M. Bulterman, J. Langer u M. de Ree, aġenti)
Konvenuta: Il-Kummissjoni Ewropea
Talbiet
— |
tannulla d-Deċiżjoni tal-Kummissjoni C(2020) final 2998 tat-12 ta’ Mejju 2020 dwar l-għajnuna mill-Istat SA.54537 (2020/NN) – il-Pajjiżi l-Baxxi, Projbizzjoni tal-faħam għall-produzzjoni tal-elettriku fil-Pajjiżi l-Baxxi; |
— |
tikkundanna lill-Kummissjoni għall-ispejjeż. |
Motivi u argumenti prinċipali
Insostenn tar-rikors tiegħu, ir-rikorrent jinvoka ħames motivi.
1. |
L-ewwel motiv ibbażat fuq applikazzjoni żbaljata tal-Artikolu 107(1) TFUE, peress li l-Kummissjoni sostniet li Vattenfall kienet kisbet vantaġġ. |
2. |
It-tieni motiv ibbażat fuq applikazzjoni żbaljata tal-Artikolu 107(1) TFUE, peress li l-Kummissjoni wettqet tqassim żbaljat tal-oneru tal-prova. |
3. |
It-tielet motiv ibbażat fuq ksur tal-obbligu ta’ motivazzjoni skont l-Artikolu 296 TFUE peress li l-Kummissjoni naqset milli tagħti motivazzjoni għad-dubju li hija kellha dwar id-dritt għal kumpens kif ukoll milli tistabbilixxi l-ammont ta’ kumpens żejjed li Vattenfall kienet irċeviet, kif ukoll minħabba li din id-deċiżjoni hija intrinsikament kontradittorja. |
4. |
Ir-raba’ motiv ibbażat fuq ksur tal-Artikolu 107(3) TFUE peress li l-Kummissjoni ddikjarat il-kumpens mogħti lil Vattenfall bħala kompatibbli mas-suq intern mingħajr ma hija kompetenti biex tagħmel hekk. |
5. |
Il-ħames motiv ibbażat fuq ksur tal-prinċipju ta’ ċertezza legali, peress li l-Kummissjoni naqset milli tistabbilixxi jekk il-kumpens mogħti lil Vattenfall għandux jitqies bħala għajnuna mill-Istat fis-sens tal-Artikolu 107(1) TFUE. |