27.7.2020 |
MT |
Il-Ġurnal Uffiċjali tal-Unjoni Ewropea |
C 247/28 |
Rikors ippreżentat fil-21 ta’ Mejju 2020 – Aquind et vs Il-Kummissjoni
(Kawża T-295/20)
(2020/C 247/38)
Lingwa tal-kawża: l-Ingliż
Partijiet
Rikorrenti: Aquind Ltd (Wallsend, ir-Renju Unit), Aquind SAS (Rouen, Franza), Aquind Energy (Lussemburgu, il-Lussemburgu) (rappreżentanti: S. Goldberg, Solicitor, E. White, avukat, C. Davis u J. Bille, Solicitors)
Konvenuta: Il-Kummissjoni Ewropea
Talbiet
Ir-rikorrenti jitolbu li l-Qorti Ġenerali jogħġobha:
— |
tannulla l-miżura kkontestata, jiġifieri r-Regolament Delegat, sa fejn dan ineħħi lil AQUIND Interconnector mil-Lista tal-Unjoni; |
— |
b’mod alternattiv, tannulla r-Regolament Delegat kollu kemm hu; u |
— |
tikkundanna lill-Kummissjoni Ewropea għall-ispejjeż tar-rikorrenti relatati ma’ dawn il-proċeduri. |
Motivi u argumenti prinċipali
Fir-rikors tagħhom, ir-rikorrenti jitolbu lill-Qorti Ġenerali jogħġobha tannulla r-Regolament Delegat tal-Kummissjoni (UE) 2020/389 tal-31 ta’ Ottubru 2019 li jemenda r-Regolament (UE) Nru 347/2013 tal-Parlament Ewropew u tal-Kunsill fir-rigward tal-lista tal-Unjoni ta’ proġetti ta’ interess komuni (1).
Insostenn tar-rikors tagħhom, ir-rikorrenti jinvokaw seba’ motivi.
1. |
L-ewwel motiv ibbażat fuq in-nuqqas ta’ motivazzjoni għat-tneħħija ta’ AQUIND Interconnector mil-lista tal-Unjoni.
|
2. |
It-tieni motiv ibbażat fuq ksur tar-rekwiżiti proċedurali u sostantivi taħt ir-Regolament (UE) Nru 347/2013 (2) (iktar ’il quddiem ir-“Regolament TEN-E”) u b’mod partikolari tal-Artikolu 5(8) tiegħu.
|
3. |
It-tielet motiv ibbażat fuq ksur tal-Artikolu 10(1) tat-Trattat tal-Karta tal-Enerġija.
|
4. |
Ir-raba’ motiv ibbażat fuq ksur tad-dritt għal amministrazzjoni tajba taħt l-Artikolu 41 tal-Karta tad-Drittijiet Fundamentali tal-Unjoni Ewropea.
|
5. |
Il-ħames motiv ibbażat fuq ksur tal-prinċipju ta’ ugwaljanza fit-trattament tad-dritt tal-Unjoni Ewropea.
|
6. |
Is-sitt motiv ibbażat fuq ksur tal-prinċipju ta’ proporzjonalità tad-dritt tal-Unjoni Ewropea.
|
7. |
Is-seba’ motiv ibbażat fuq ksur tal-prinċipji ta’ ċertezza legali u aspettattivi leġittimi tad-dritt tal-Unjoni.
|
(2) Regolament (UE) Nru 347/2013 tal-Parlament Ewropew u tal-Kunsill tas-17 ta’ April 2013 dwar linji gwida għall-infrastruttura tal-enerġija trans-Ewropea u li jħassar id-Deċiżjoni Nru 1364/2006/KE u li jemenda r-Regolamenti (KE) Nru 713/2009, (KE) Nru 714/2009 u (KE) Nru 715/2009 (ĠU 2013 L 115, p. 39).