15.6.2020 |
MT |
Il-Ġurnal Uffiċjali tal-Unjoni Ewropea |
C 201/36 |
Rikors ippreżentat fid-9 ta’ April 2020 – JE vs Il-Qorti tal-Ġustizzja tal-Unjoni Ewropea
(Kawża T-184/20)
(2020/C 201/48)
Lingwa tal-kawża: l-Ingliż
Partijiet
Rikorrent: JE (rappreżentant: N. Forwood, QC)
Konvenuta: Il-Qorti tal-Ġustizzja tal-Unjoni Ewropea
Talbiet
Ir-rikorrent jitlob li l-Qorti Ġenerali jogħġobha:
— |
tannulla parzjalment id-Deċiżjoni tal-President tal-Qorti tal-Ġustizzja tal-31 ta’ Jannar 2020 li tiddikjara vakanti l-pożizzjoni tar-rikorrent bħala Avukat Ġenerali u li tagħti bidu għall-proċedura għall-ħatra ta’ suċċessur; |
— |
tikkundanna lill-konvenuta għall-ispejjeż tal-proċedura. |
Motivi u argumenti prinċipali
Insostenn tar-rikors tiegħu, ir-rikorrent jallega li l-att ikkontestat għandu jiġi annullat minħabba nuqqas ta’ kompetenza, ksur ta’ rekwiżit formali essenzjali, u ksur tat-Trattati u ta’ dispożizzjonijiet legali marbuta mal-applikazzjoni tagħhom.