Rikors ippreżentat fil-11 ta’ Jannar 2020 – adp Gauselmann vs EUIPO – Gameloft (GAMELAND)

(Kawża T-17/20)

(2020/C 68/69)

Lingwa tal-kawża: l-Ingliż

Partijiet

Rikorrenti: adp Gauselmann GmbH (Espelkamp, il-Ġermanja) (rappreżentant: K. Mandel, avukat)

Konvenut: L-Uffiċċju tal-Proprjetà Intellettwali tal-Unjoni Ewropea (EUIPO)

Parti oħra quddiem il-Bord tal-Appell: Gameloft SE (Pariġi, Franza)

Informazzjoni dwar il-proċedimenti quddiem l-EUIPO

Applikant għat-trade mark kontenzjuża: ir-rikorrenti quddiem il-Qorti Ġenerali

Trade mark kontenzjuża kkonċernata: applikazzjoni għat-trade mark figurattiva tal-Unjoni Ewropea GAMELAND – Applikazzjoni għal reġistrazzjoni Nru 15 722 648

Proċedimenti quddiem l-EUIPO: proċedimenti ta’ oppożizzjoni

Deċiżjoni kkontestata: id-deċiżjoni tal-Ħames Bord tal-Appell tal-EUIPO tal-5 ta’ Novembru 2019 fil-Każ R 2502/2018-5

Talbiet

Ir-rikorrenti titlob li l-Qorti Ġenerali jogħġobha:

—	tilqa’ t-talba

—	tannulla d-deċiżjoni kkontestata;

—	tordna li l-applikazzjoni għat-trade mark tal-Unjoni Ewropea Nru. 15 722 648 tiġi aċċettata;

—	tikkundanna lill-EUIPO u l-parti l-oħra għad-drittijiet u għall-ispejjeż.

Motiv invokat

—	Ksur tal-Artikolu 8(1)(b) tar-Regolament (UE) 2017/1001 tal-Parlament Ewropew u tal-Kunsill.