26.7.2021 |
MT |
Il-Ġurnal Uffiċjali tal-Unjoni Ewropea |
C 297/43 |
Digriet tal-Qorti Ġenerali tat-2 ta’ Ġunju 2021 – Birkenstock Sales vs EUIPO (Pożizzjoni ta’ linji mmewġin li jaqsmu lil xulxin fuq il-pett taż-żarbun)
(Kawża T-365/20) (1)
(“Rikors għal annullament - Trade mark tal-Unjoni Ewropea - Applikazzjoni għal trade mark tal-Unjoni Ewropea li tikkonsisti f’linji mmewġin li jaqsmu lil xulxin fuq il-pett taż-żarbun - Raġuni assoluta għal rifjut - Assenza ta’ karattru distintiv - Artikolu 7(1)(b) tar-Regolament (KE) Nru 207/2009 [li sar l-Artikolu 7(1)(b) tar-Regolament (UE) 2017/1001] - Rikors manifestament nieqes minn kull bażi fil-liġi”)
(2021/C 297/54)
Lingwa tal-kawża: il-Ġermaniż
Partijiet
Rikorrent: Birkenstock Sales GmbH (Linz sur le Rhin, il-Ġermanja) (rappreżentanti: C. Menebröcker u K. Middelhoff, avukati)
Konvenut: L-Uffiċċju tal-Proprjetà Intellettwali tal-Unjoni Ewropea (rappreżentant: S. Hanne, aġent)
Suġġett
Rikors ippreżentat kontra d-deċiżjoni tal-Ewwel Bord tal-Appell tal-EUIPO tad-19 ta’ Marzu 2020 (Każ R 1706/2019-1), dwar applikazzjoni għar-reġistrazzjoni ta’ sinjal li jikkonsisti f’linji mmewġin li jaqsmu lil xulxin fuq il-pett taż-żarbun bħala trade mark tal-Unjoni Ewropea.
Dispożittiv
1) |
Ir-rikors huwa miċħud. |
2) |
Birkenstock Sales GmbH hija kkundannata għall-ispejjeż. |