|
21.2.2022 |
MT |
Il-Ġurnal Uffiċjali tal-Unjoni Ewropea |
C 84/37 |
Sentenza tal-Qorti Ġenerali tal-21 ta’ Diċembru 2021 – KS vs Frontex
(Kawża T-409/20) (1)
(Servizz pubbliku - Membri tal-persunal temporanju - Kuntratt għal żmien determinat - Xoljiment tal-kuntratt - Ksur tar-rabta ta’ fiduċja - Artikolu 47(b)(ii) tal-Kondizzjonijiet tal-Impjieg - Dritt għal smiegħ - Dmir ta’ premura - Talbiet għal assistenza u għal kumpens - Rikors għal annullament u għal kumpens)
(2022/C 84/52)
Lingwa tal-kawża: il-Franċiż
Partijiet
Rikorrent: KS (rappreżentant: N. de Montigny, avukat)
Konvenuta: L-Aġenzija Ewropea għall-Gwardja tal-Fruntiera u tal-Kosta (rappreżentanti: H. Caniard, S. Drew, W. Szmidt u B. Dukay-Zangrando, aġenti, assistiti minn T. Bontinck, A. Guillerme u L. Burguin, avukati)
Suġġett
Talba bbażata fuq l-Artikolu 270 TFUE u intiża, minn naħa, għall-annullament tad-deċiżjoni ta’ Frontex tat-30 ta’ Awwissu 2019 intiża għax-xoljiment tal-kuntratt ta’ impjieg għal żmien determinat tar-rikorrent u tad-deċiżjoni tat-13 ta’ Frar 2020 dwar ċaħda tat-talbiet ta’ assistenza u għall-kumpens ta’ dan, u min-naħa l-oħra, għall-kumpens għad-dannu morali li r-rikorrent ġarrab minħabba dan il-fatt.
Dispożittiv
|
1) |
Id-deċiżjoni tal-Aġenzija Ewropea għall-Gwardja tal-Fruntiera u tal-Kosta (Frontex) tat-13 ta’ Frar 2020 hija annullata sa fejn tiċħad it-talba għal assistenza ta’ KS. |
|
2) |
Il-kumplament tar-rikors huwa miċħud. |
|
3) |
KS għandu jbati nofs l-ispejjeż tiegħu. |
|
4) |
Frontex hija kkundannata tbati, minbarra l-ispejjeż tagħha, nofs dawk sostnuti minn KS. |