Rikors ippreżentat fid-29 ta’ Lulju 2019 — Artur Florêncio & Filhos, Affsports vs EUIPO — Anadeco Gestion (sflooring)

(Kawża T-533/19)

(2019/C 312/39)

Lingwa tar-rikors: l-Ingliż

Partijiet

Rikorrenti: Artur Florêncio & Filhos, Affsports Lda (Sintra, il-Portugall) (rappreżentant: D. Martins Pereira Soares, lawyer)

Konvenut: L-Uffiċċju tal-Proprjetà Intellettwali tal-Unjoni Ewropea (EUIPO)

Parti oħra quddiem il-Bord tal-Appell: Anadeco Gestion, SA (Cartagena, Spanja)

Informazzjoni dwar il-proċedimenti quddiem l-EUIPO

Applikant għat-trade mark kontenzjuża: ir-rikorrenti quddiem il-Qorti Ġenerali

Trade mark kontenzjuża kkonċernata: Applikazzjoni għat-trade mark figurattiva sflooring bil-kuluri iswed, abjad u griż — Applikazzjoni għal reġistrazzjoni Nru 11 943 586

Proċedimenti quddiem l-EUIPO: proċedimenti ta’ oppożizzjoni

Deċiżjoni kkontestata: id-deċiżjoni tar-Raba’ Bord tal-Appell tal-EUIPO tal-20 ta’ Mejju 2019 fil-Każ R 1870/2018-4

Talbiet

Ir-rikorrenti titlob li l-Qorti Ġenerali jogħġobha:

—	tippermetti bis-sħiħ dan l-appell

—	tannulla bis-sħiħ id-deċiżjoni kkontestata;

—	temenda d-deċiżjoni kkontestata, ibbażata fuq il-bażi f’dan l-appell u tiddikjara l-għoti tat-trademark tal-Unjoni Ewropea Nru 11 943 588 sflooring;

—	tikkundanna lill-EUIPO għall-ispejjeż sostnuti mill-appellant, inklużi l-ispejjeż sostnuti fil-każ quddiem l-EUIPO;

—	tikkundanna lill-parti l-oħra biex issostni l-ispejjeż tal-appellant fil-proċedimenti quddiem l-EUIPO.

Motivi invokati

—	Insuffiċjenza tal-provi ta’ użu ġenwin tat-trademark preċedenti T-FLOORING

—	Ksur tal-Artikolu 8(1)(b) tar-Regolament (UE) Nru 2017/1001 tal-Parlament Ewropew u tal-Kunsill.