9.9.2019 |
MT |
Il-Ġurnal Uffiċjali tal-Unjoni Ewropea |
C 305/59 |
Rikors ippreżentat fit-8 ta’ Lulju 2019 — Portigon vs SRB
(Kawża T-481/19)
(2019/C 305/70)
Lingwa tal-kawża: il-Ġermaniż
Partijiet
Rikorrenti: Portigon AG (Düsseldorf, il-Ġermanja) (rappreżentanti: D. Bliesener, V. Jungkind u F. Geber, avukati)
Konvenut: Il-Bord Uniku ta’ Riżoluzzjoni (SRB)
Talbiet
Ir-rikorrenti titlob li l-Qorti Ġenerali jogħġobha:
— |
tannulla d-deċiżjoni tal-konvenut tas-16 ta’ April 2019 rigward il-kalkolu tal-kontribuzzjonijiet ex ante lill-Fond Uniku ta’ Riżoluzzjoni għas-sena 2019 (Ref: SRB/ES/SRF/2019/10), sa fejn tikkonċerna lir-rikorrenti; |
— |
tissospendi l-proċedura skont l-Artikolu 69(c) u (d) tar-Regoli tal-Proċedura tal-Qorti Ġenerali sakemm id-deċiżjoni fil-Kawżi T-365/16, T-420/17 u T-413/18 tkun kisbet l-awtorità ta’ res judicata jew sakemm dawn il-kawżi jiġu mitmuma b’mod ieħor; |
— |
tikkundanna lill-konvenut għall-ispejjeż. |
Motivi u argumenti prinċipali
Insostenn tar-rikors tagħha, ir-rikorrenti tinvoka tmien motivi.
1. |
L-ewwel motiv, ibbażat fuq ksur tal-Artikolu 70(2)(1) sa (3) tar-Regolament (UE) Nru 806/2014 (1), flimkien mal-Artikolu 8(1)(d) tar-Regolament ta’ Implimentazzjoni (UE) 215/81 (2), mal-Artikolu 103(7) tad-Direttiva 2014/59/UE (3) kif ukoll mal-Artikolu 114 TFUE.
|
2. |
It-tieni motiv, ibbażat fuq ksur tal-Artikolu 41(2(c) tal-Karta tad-Drittijiet Fundamentali tal-Unjoni Ewropea (iktar ’il quddiem il-“Karta”), peress li l-proċedura ta’ kalkolu ma tippermetti ebda motivazzjoni sħiħa tad-deċiżjoni kkontestata. Sa fejn il-kalkolu jkun ibbażat fuq ir-Regolament ta’ Delega (UE) 2015/63, dan ma huwiex applikabbli. |
3. |
It-tielet motiv, ibbażat fuq ksur tal-Artikoli 16 u 20 tal-Karta, peress li, minħabba s-sitwazzjoni speċjali tar-rikorrenti, id-deċiżjoni kkontestata tikser il-prinċipju ta’ ugwaljanza fit-trattament. Minbarra dan, id-deċiżjoni kkontestata tinterferixxi b’mod sproporzjonat mal-libertà ta’ intrapriża tar-rikorrenti. |
4. |
Ir-raba’ motiv (sussidjarju), ibbażat fuq ksur tal-Artikolu 70(2) tar-Regolament (UE) Nru 806/2014 flimkien mal-Artikolu 103(7) tad-Direttiva 2014/59/UE, peress li l-konvenut, fil-kalkolu tal-ammont tal-kontribuzzjoni, kellu jnaqqas obbligazzjonijiet li huma mingħajr riskju mill-obbligazzjonijiet rilevanti. |
5. |
Il-ħames motiv (sussidjarju), ibbażat fuq ksur tal-Artikolu 70(6) tar-Regolament (UE) Nru 806/201 flimkien mal-Aritkolu 5(3) u (4) tar-Regolament ta’ Delega (UE) 2015/63 billi l-konvenut ikkalkola b’mod żbaljat il-kontribuzzjoni tar-rikorrenti, abbażi ta’ kalkolu gross tal-kuntratti derivattivi. |
6. |
Is-sitt motiv (sussidjarju), ibbażat fuq ksur tal-Artikolu 70(6) tar-Regolament (UE) Nru 806/2014 flimkien mal-Artikolu 6(8)(a) tar-Regolament ta’ Delega (UE) 2015/63, peress li l-konvenut b’mod żbaljat ikkunsidra lir-rikorrenti bħala istituzzjoni fi proċess ta’ riorganizzazzjoni. |
7. |
Is-seba’ motiv, ibbażat fuq ksur tal-Artikolu 41(1) u (2)(a) tal-Karta, peress li l-konvenut kellu jisma’ lir-rikorrenti qabel l-adozzjoni tad-deċiżjoni kkontestata. |
8. |
It-tmien motiv, ibbażat fuq ksur tal-Artikolu 1 u 2(ċ) tal-Karta kif ukoll tat-tieni paragrafu tal-Artikolu 296 TFUE, peress li l-konvenut naqas milli jipprovdi motivazzjoni suffiċjenti għad-deċiżjoni kkontestata. |
(1) Regolament (UE) Nru 806/2014 tal-Parlament Ewropew u tal-Kunsill tal-15 ta’ Lulju 2014 li jistabbilixxi regoli uniformi u proċedura uniformi għar-riżoluzzjoni tal-istituzzjonijiet ta’ kreditu u ċerti ditti tal-investiment fil-qafas ta’ Mekkaniżmu Uniku ta’ Riżoluzzjoni u Fond Uniku għar-Riżoluzzjoni u li jemenda r-Regolament (UE) Nru 1093/2010 (ĠU 2014, L 225, p. 1).
(2) Regolament ta’ Implimentazzjoni tal-Kunsill (UE) 2015/81 tad-19 ta’ Diċembru 2014 li jispeċifika kundizzjonijiet uniformi għall-applikazzjoni tar-Regolament (UE) Nru 806/2014 tal-Parlament Ewropew u tal-Kunsill fir-rigward tal-kontribuzzjonijiet ex ante għall-Fond Uniku ta’ Riżoluzzjoni (ĠU 2015, L 15, p. 1).
(3) Direttiva 2014/59/UE tal-Parlament Ewropew u tal-Kunsill tal-15 ta’ Mejju 2014 li tistabbilixxi qafas għall-irkupru u r-riżoluzzjoni ta’ istituzzjonijiet ta’ kreditu u ditti ta’ investiment u li temenda d-Direttiva tal-Kunsill 82/891/KE u d-Direttivi 2001/24/KE, 2002/47/KE, 2004/25/KE, 2005/56/KE, 2007/36/KE, 2011/35/KE, 2012/30/UE u 2013/36/UE, u r-Regolamenti (UE) Nru 1093/2010 u (UE) Nru 648/2012, tal-Parlament Ewropew u tal-Kunsill (ĠU 2014, L 173, p. 190).
(4) Regolament ta’ Delega tal-Kummissjoni (UE) 2015/63 tal-21 ta’ Ottubru 2014 li jissupplimenta d-Direttiva 2014/59/UE tal-Parlament Ewropew u l-Kunsill fir-rigward tal-kontribuzzjonijiet ex ante għall-arranġamenti ta’ finanzjament ta’ riżoluzzjoni (ĠU 2015, L 11, p. 44, rettifika fil-ĠU 2017, L 156, p. 38).