Sentenza tal-Qorti Ġenerali (L-Ewwel Awla) tat‑30 ta’ Ġunju 2021 – GW vs Il-Qorti tal-Awdituri

(Kawża T‑709/19)

“Servizz pubbliku – Uffiċjali – Uffiċjal b’invalidità totali permanenti – Eżami mediku perijodiku – Modalitajiet – Talba għal riferiment lill-Kumitat tal-Invalidità – Rifjut – Artikolu 15 tal-Anness VIII tar-Regolamenti tal-Persunal – Konklużjoni Nru 273/15 tal-Kulleġġ tal-Kapijiet tal-Amministrazzjoni – Dmir ta’ premura”

1.	Uffiċjali – Invalidità – Ftuħ tal-proċedura ta’ invalidità – Talba ta’ uffiċjal intiża għall-konvokazzjoni ta’ Kumitat tal-Invalidità – Konsegwenzi (Regolamenti tal-Persunal, Artikolu 78, u l-Anness VIII, Artikolu 13) (ara l-punt 80)

2.	Uffiċjali – Sigurtà soċjali – Pensjoni tal-invalidità – Possibbiltà għall-istituzzjoni kkonċernata li tikkontrolla regolarment l-evoluzzjoni tas-sitwazzjoni tal-uffiċjal – Portata (Regolamenti tal-Persunal, -Anness VIII, Artikolu 15) (ara l-punti 81, 82, 87 sa 90)

3.	Atti tal-istituzzjonijiet – Direttiva interna – Regola ta’ kondotta indikattiva ta’ prattika amministrattiva – Saħħa legali fir-rigward tal-amministrazzjoni (ara l-punt 83)

Suġġett

Talba bbażata fuq l-Artikolu 270 TFUE u intiża għall-annullament tad-deċiżjoni tal-Qorti tal-Awdituri tat‑22 ta’ Mejju 2019 li tiċħad it-talba tar-rikorrent għal riferiment lill-Kumitat tal-Invalidità.

Dispożittiv

1)	Id-deċiżjoni tal-Qorti tal-Awdituri tal-Unjoni Ewropea tat‑22 ta’ Mejju 2019 li tiċħad it-talba ta’ GW għal riferiment lill-Kumitat tal-Invalidità hija annullata.

2)	Il-Qorti tal-Awdituri hija kkundannata għall-ispejjeż.