Sentenza tal-Qorti tal-Ġustizzja (Is-Sitt Awla) tal‑21 ta’ Ottubru 2020 –
BĊE vs Estate of Espírito Santo Financial Group
(Kawża C‑396/19 P) ( 1 )
“Appell – Deċiżjoni 2004/258/KE – Artikolu 4(1)(a) – Protokoll dwar l-Istatuti tas-Sistema Ewropea ta’ Banek Ċentrali u tal-Bank Ċentrali Ewropew (BĊE) – Artikolu 10(4) – Aċċess għad-dokumenti tal-BĊE – Deċiżjoni tal-Bord tal-Gvernaturi – Kunfidenzjalità tal-laqgħat u tad-deliberazzjonijiet tal-korpi tal-BĊE – Riżultat tad-deliberazzjonijiet – Rifjut parzjali ta’ aċċess – Preġudizzju għall-protezzjoni tal-interess pubbliku – Obbligu ta’ motivazzjoni”
1. |
Istituzzjonijiet tal-Unjoni Ewropea – Dritt ta’ aċċess pubbliku għal dokumenti – Deċiżjoni 2004/258 tal-Bank Ċentrali Ewropew – Eċċezzjonijiet għad-dritt ta’ aċċess għal dokumenti – Protezzjoni tal-interess pubbliku – Kunfidenzjalità tad-deliberazzjonijiet tal-korpi deċiżjonali – Rifjut ta’ aċċess għad-deċiżjonijiet tal-Bord tal-Gvernaturi u għall-minuti li jittraskrivuhom – Obbligu ta’ motivazzjoni – Portata – Motivazzjoni limitata għall-invokazzjoni tal-eċċezzjoni kkonċernata (Deċiżjoni tal-Bank Ċentrali Ewropew 2004/258, il-premessa 3 u l-Artikolu 4(1)(a); Protokoll dwar l-Istatuti tas-Sistema Ewropea ta’ Banek Ċentrali u tal-Bank Ċentrali Ewropew, Artikolu 10(4)) (ara l-punti 40, 42 sa 46, 53) |
2. |
Atti tal-istituzzjonijiet – Motivazzjoni – Obbligu – Portata (it-tieni paragrafu tal-Artikolu 296 TFUE) (ara l-punt 41) |
3. |
Istituzzjonijiet tal-Unjoni Ewropea – Dritt ta’ aċċess pubbliku għal dokumenti – Deċiżjoni 2004/258 tal-Bank Ċentrali Ewropew – Eċċezzjonijiet għad-dritt ta’ aċċess għal dokumenti – Protezzjoni tal-interess pubbliku – Kunfidenzjalità tad-deliberazzjonijiet tal-korpi deċiżjonali – Possibbiltà ta’ żvelar fil-konfront tal-korp ikkonċernat (Deciżjoni tal-Bank Ċentrali Ewropew 2004/258, il-premessa 3, Artikoli 4(1)(a) u 7(1); Protokoll dwar l-Istatut tas-Sistema Ewropea ta’ Banek Ċentrali u tal-Bank Ċentrali Ewropew, Artikolu 10(4)) (ara l-punti 50 sa 52) |
Dispożittiv
1) |
Il-punt 1 tad-dispożittiv tas-sentenza tal-Qorti Ġenerali tal-Unjoni Ewropea tat‑13 ta’ Marzu 2019, Espírito Santo Financial Group vs BĊE (T‑730/16, mhux ippubblikata, EU:T:2019:161), huwa annullat sa fejn il-Qorti Ġenerali annullat id-deċiżjoni tal-Bank Ċentrali Ewropew (BĊE) tal‑31 ta’ Awwissu 2016 li tirrifjuta parzjalment l-aċċess għal ċerti dokumenti relatati mad-deċiżjoni tagħha tal‑1 ta’ Awwissu 2014 li tikkonċerna lil Banco Espírito Santo SA, sa fejn, permezz ta’ din id-deċiżjoni, il-BĊE rrifjuta li jagħtiha aċċess għall-ammont ta’ kreditu li jidher fl-estratti tal-minuti tad-deċiżjoni tal-Bord tal-Gvernaturi tal-BĊE tat‑28 ta’ Lulju 2014. |
2) |
Il-punt 3 tad-dispożittiv tas-sentenza tal-Qorti Ġenerali tal-Unjoni Ewropea tat‑13 ta’ Marzu 2019, Espírito Santo Financial Group vs BĊE (T‑730/16, mhux ippubblikata, EU:T:2019:161), huwa annullat sa fejn hija ddeċidiet dwar l-ispejjeż. |
3) |
Il-kumplament tal-appell huwa miċħud. |
4) |
Ir-rikors għal annullament ippreżentat minn Espírito Santo Financial Group SA, fi stralċ, huwa miċħud sa fejn huwa intiż għall-annullament tad-deċiżjoni tal-Bank Ċentrali Ewropew (BĊE) tal‑31 ta’ Awwissu 2016 li tirrifjuta parzjalment l-aċċess għal ċerti dokumenti relatati mad-deċiżjoni tagħha tal‑1 ta’ Awwissu 2014 li tikkonċerna lil Banco Espírito Santo SA, sa fejn, permezz ta’ din id-deċiżjoni, il-BĊE rrifjuta li jagħtiha aċċess għall-ammont ta’ kreditu li jidher fl-estratti tal-minuti tad-deċiżjoni tal-Bord tal-Gvernaturi tal-BĊE tat‑28 ta’ Lulju 2014. |
5) |
Espírito Santo Financial Group SA, fi stralċ, għandha tbati, minbarra l-ispejjeż rispettivi tagħha, nofs l-ispejjeż sostnuti mill-Bank Ċentrali Ewropew fil-kuntest kemm tal-proċedura fl-ewwel istanza kif ukoll ta’ dan l-appell. |
6) |
Il-Bank Ċentrali Ewropew għandu jbati nofs l-ispejjeż rispettivi tiegħu sostnuti fil-kuntest kemm tal-proċedura fl-ewwel istanza kif ukoll ta’ dan l-appell. |
( 1 ) ĠU C 319, 23.9.2019.