1. 

Rikors għal nuqqas ta’ twettiq ta’ obbligu – Eżami tal-fondatezza mill-Qorti tal-Ġustizzja – Sitwazzjoni li għandha tittieħed inkunsiderazzjoni – Sitwazzjoni fl-iskadenza tat-terminu stabbilit mill-opinjoni motivata

(ara l-punt 11)

2. 

Stati Membri – Obbligi – Implimentazzjoni ta’ direttivi – Nuqqas ta’ twettiq ta’ obbligu – Ġustifikazzjoni bbażata fuq l-ordinament intern – Inammissibbiltà

(ara l-punt 12)

3. 

Ambjent – Evalwazzjoni u mmaniġġar ta’ riskji ta’ għarar – Direttiva 2007/60 – Stabbiliment, pubblikazzjoni u notifika tal-pjanijiet ta’ mmaniġġar tar-riskji ta’ għarar – Informazzjoni u konsultazzjoni tal-pubbliku – Nuqqas ta’ osservanza tat-termini mogħtija – Nuqqas ta’ eżekuzzjoni – Nuqqas ta’ twettiq ta’ obbligu

(Direttiva tal-Parlament Ewropew u tal-Kunsill 2007/60, Artikoli 7(1) u (5), 10(1) u (2), u 15(1))

(ara l-punti 14 sa 17 u d-dispożittiv)

1) 

Ir-Renju ta’ Spanja, peress li ma stabbilixxiex, ma ppubblikax u ma nnottifikax, fit-termini previst, lill-Kummissjoni Ewropea l-pjanijiet ta’ mmaniġġar tar-riskju ta’ għargħar f’dak li jirrigwarda d-distertti ta’ baċin tax-xmara ES 120 Gran Canaria, ES 122 Fuerteventura, ES 123 Lanzarote, ES 124 Tenerife, ES 125 La Palma, ES 126 La Gomera u ES 127 El Hierro (Spanja), naqas milli jwettaq mill-obbligi li huwa għandu taħt l-Artikolu 7(1) u (5) kif ukoll taħt l-Artikolu 15(1) tad-Direttiva 2007/60/KE tal-Parlament Ewropew u tal-Kunsill tat-23 ta’ Ottubru 2007 dwar il-valutazzjoni u l-immaniġġjar tar-riskji ta’ l-għargħar, u billi ma wettaqx, fit-terminu previst, l-informazzjoni u l-konsultazzjoni tal-pubbliku dwar l-elaborazzjoni tal-pjanijiet ta’ mmaniġġar tar-riskju ta’ għargħar f’dak li jirrigwarda d-distertti ta’ baċin tax-xmara ES 120 Gran Canaria, ES 122 Fuerteventura u ES 125 La Palma, naqas milli jwettaq mill-obbligi li huwa għandu taħt l-Artikolu 10(1) u (2) ta’ din id-direttiva.

2) 

Ir-Renju ta’ Spanja huwa kkundannat għall-ispejjeż.