Rikors ippreżentat fit-30 ta’ Ottubru 2018 – ZS vs BEI

(Kawża T-659/18)

(2019/C 4/54)

Lingwa tal-kawża: l-Ingliż

Partijiet

Rikorrent: ZS (rappreżentant: B. Maréchal, avukat)

Konvenut: Bank Ewropew tal-Investiment

Talbiet

Ir-rikorrent jitlob li l-Qorti Ġenerali jogħġobha:

—	tannulla d-deċiżjonijiet tal-BEI tas-27 ta’ Settembru 2017 u tat-28 ta’ Diċembru 2017;

—	tordna kumpens totali għat-telf sostnut mir-rikorrent.

—

F’dan ir-rigward, ir-rikorrent jitlob li l-BEI jiġi ordnat iħallsu:

—	EUR 30 000 bħala salarju mhux imħallas għal 42 ġurnata ta’ leave annwali u 40,5 ġurnata fit-TSA-A, li tammonta għal intitolament ta’ leave totali ta’ 82,5.

—	EUR 30 000 imnaqqsa illegalment mis-somom mat-tluq tiegħu;

—	EUR 50 000 bħala kontribuzzjoni ta’ 3 % tas-salarju annwali fl-OSPS (RCVP) sal-età normali tal-irtirar;

—	EUR 35 000 bħala intitolament tal-bonus tal-applikant;

—	EUR 15 000 bħala danni fir-rigward tad-danni morali sostnuti mir-rikorrent;

—	l-ispejjeż legali għall-proċeduri li jammontaw għall-ammont provviżorju ta’ EUR 15 000;

—	l-ispejjeż tal-proċedimenti u l-ispejjeż kollha.

Motivi u argumenti prinċipali

Insostenn tar-rikors tiegħu, ir-rikorrent jinvoka żewġ motivi.

L-ewwel motiv ibbażat fuq li l-assenzi tar-rikorrent ma kienux inġustifikati u li, fi kwalunkwe każ, il-BEI kien messu rreaġixxa qabel fid-dawl tal-perijodu ta’ ħames snin li matulu seħħew l-assenzi. Dawn l-allegazzjonijiet jinjoraw il-ftehim verbali bejn ir-rikorrent u l-konvenut rigward il-mili tal-iskedi ta’ ġestjoni tal-preżenza. Barra minn hekk, ma hemm l-ebda bażi legali tali li tippermetti lill-persuna li timpjega li tikkumpensa jew tnaqqas dawn l-allegati assenzi inġustifikati, fir-rigward tal-intitolament għal-leave jew is-somom dovuti lilu mat-tluq tiegħu.

It-tieni motiv ibbażat fuq diversi illegalitajiet imwettqa mill-konvenut għad-danni tar-rikorrent, fil-forma ta’ atti amministrattivi illegali, bħall-kontestazzjoni ta’ assenzi inġustifikati, it-telf ta’ 82,5 ġurnata leave mingħajr ebda bażi legali fejn l-ebda kumpens jew tnaqqis ma huwa awtorizzat, it-tnaqqis illegali tal-imsejjħa assenzi illegali mis-somom dovuti mat-tluq li ma jinkludux l-OSPS (RCVP), li direttament kkawżawlu telf u dannu morali addizzjonali.