Rikors ippreżentat fit-23 ta’ Ottubru 2018 – ZM et vs Il-Kunsill

(Kawża T-632/18)

(2018/C 455/42)

Lingwa tal-kawża: il-Franċiż

Partijiet

Rikorrenti: ZM, ZN u ZO (rappreżentant: N. de Montigny, avukat)

Konvenut: Il-Kunsill tal-Unjoni Ewropea

Talbiet

Ir-rikorrenti jitolbu li l-Qorti Ġenerali jogħġobha:

—

tannulla d-deċiżjonijiet li jilmentaw bihom ir-rikorrenti differenti li jikkonsistu fid-deċiżjonijiet tal-Awtorità tal-Ħatra li ma jingħatawx ir-rimbors għall-ispejjeż skolastiċi għas-sena 2017/2018 li ġew adottati b’mod differenti skont iċ-ċirkustanzi ta’ kull wieħed mir-rikorrenti:

—	jew permezz ta’ deċiżjoni individwali (u iktar preċiżament permezz ta’ email) li tindika preċiżament ir-rifjut tar-rimbors;

—

jew permezz tad-dikjarazzjoni “processed” fis-Sysper tagħhom u kkunsidrata bħala deċiżjoni ta’ ċħid mir-rikorrent peress li l-formola tas-salarju li segwiet lil din id-dikjarazzjoni, ix-xahar segwenti (l-iktar kmieni fl-10 tax-xahar peress li din hija d-data tat-trażmissjoni tal-formoli tas-salarju) ma fiha ebda rimbors jew sempliċiment rimbors tal-ispejjeż ta’ trasport;

—	tikkundanna lill-konvenut għall-ispejjeż.

Motivi u argumenti prinċipali

Insostenn tar-rikors tagħhom, ir-rikorrenti jinvokaw erba’ motivi.

—

L-ewwel motiv, ibbażat fuq il-ksur tal-Artikolu 3(1) tal-Anness VII tar-Regolamenti tal-Persunal tal-Unjoni Ewropea u tad-dispożizzjonijiet ġenerali ta’ eżekuzzjoni dwar ir-rimbors tal-ispejjeż mediċi, sa fejn il-bidla fl-interpretazzjoni mill-konvenut kisret id-drittijiet kweżiti, l-aspettattivi leġittimi, iċ-ċertezza legali u l-prinċipju ta’ amministrazzjoni tajba.

—	It-tieni motiv, ibbażat fuq il-ksur tad-drittijiet tat-tfal, tad-dritt għall-ħajja tal-familja u tad-dritt għall-edukazzjoni.

—	It-tielet motiv, ibbażat fuq il-ksur tal-prinċipji tal-ugwaljanza fit-trattament u ta’ non-diskriminazzjoni.

—	Ir-raba’ motiv, ibbażat fuq in-nuqqas ta’ bbilanċjar effettiv tal-interessi tar-rikorrenti u fuq in-nuqqas ta’ osservanza tal-prinċipju ta’ proporzjonalità li hija vvizjata bihom id-deċiżjoni kkontestata.